1311_理髮記
作者:悟樂 日期:13-11-2009 23:59
2309_雜記
作者:悟樂 日期:23-09-2009 23:59
內容己不太重要,
要記的不多.
但發現 NC10 發傻,
自己會突然變了全白全光.
感覺十分嚴重!!!
中午打了電話到 Samsung 的 CS 查詢,
得返來的結果係, 佢唔識, 叫我帶部機去比佢o地的師傅做 checking.
(好在重有兩個月度先夠一年... 唔通...???)
但聽佢講話 checking 要 5-7 日,
唔知依度會唔會有 samsung 的職員或相關人事?
需知冇o左部 netbook,
上車冇blog 打, 返工冇機用...
等人冇電腦... 會好淒涼的...
可唔可以快尐的???
放工出o左銅鑼灣聽o野,
聽完覺得好得人驚,
不過話自己要讀,
錢又比o左(雖然未比曬)
但點都要讀完佢 (咁緊係要pass 畢到業la~~~)
依度點都要講多次,
發現北角間 M 記 Y5ZONE 上網係有問題的.
Connect 到去 login 畫面,
就係 login 唔到.
已經發過幾次電郵通知有關方面,
但一直都冇回覆.
係咪o個間 M 記少人用???
所以唔駛理???
定係次次都係淨係得我一個人咁黑仔, 上唔到呢???
中央圖書館遊記
作者:悟樂 日期:12-09-2009 23:59
十一點半開始,
老闆明明講話十五至三十分鐘開完.
點知入到去講完一樣到第二樣.
結果講到十二點五十分先開完-> 收工.
放工之後就去o左中央圖書館,
一方面今日女朋友下午要返學.
要成六點幾先放學.
中間幾個鐘, 要找地方過.
另一方面係中央圖書館開o左咁耐...
自己一路都冇機會去...
(鬼咩... 間o野開到咁遠...)
想知乜叫做大鄉里出城...
睇下我入到去中央圖書館就知的了.
我入到去直頭唔覺得o個度似係圖書館...
似酒店多尐... 尐升降機靚到... 酒店咁的 feel~~~
圖書館一共有十層,
我由地下開始行,
每層行兩個圈,
上到十樓我已經行到腳軟了.
簡單來講, 中央圖書館最多的係書.
第二樣多的就係電腦...
四周都係電腦... 有供市民用來找圖書資料的終端機,
另外的就是給市民多多媒體資f料/上網的電腦.
唔睇唔知, 原來好多人係會去圖書館上網的.
行完十層, 部部上緊網的人都望下.
經我非正規的統計...
十部電腦有四部電腦係上緊 youtube 的.
其他的有尐係外國網站睇尐我睇唔明的英文網站.
另外的係會開電郵係咁睇~ (好多都係 yahoo.com..... 見唔到有 gmail 的用家)
Youtube 方面, 差不多全部都係開緊 TVB 的電視劇,
我o係度諗... 睇電視劇洗鬼去圖書館睇...
圖書館邊度係睇電視劇的地方....!!!???!!!???
真係唔明...
上到十樓之後又慢慢每層行返落地下找位,
最後O係十樓找到一個位坐低打開我部 NC10 上網.
但我覺得O係中央圖書館 WIFI 上網係... 好慢的.
唔知係咪好多人用...
(咁又正常 wu~~~ 我見好多人都帶o左自己部手提電腦去...
咁... wifi 又唔駛錢... 咁一定會上麻網啦~~~
重要四處都有電插頭... 重唔上返夠咩??? 我都係咁上啦~~~)
攪到平均速度都係得返 30-40K.... 真係啱啱快得過我個 people 上網...
o個時真係諗... 如果 PCCW WIFI o係圖書館都有架設的我一定會 connect 去 PCCW 度.
o係圖書館留到六點,
之後就行O左去北角接麻女朋友.
同佢去O左將軍澳睇狗狗,
之後就同佢個朋友一齊食飯.
食到十點幾先回程返屋企.
一返到屋企就發現部電腦發曬傻...
係咁自動 boot 機...
睇來真係要攪攪佢!!!
長期使用Wi-Fi損記憶
作者:新聞報導員 日期:28-05-2009 11:20
流動數據用量一年激增3倍
作者:新聞報導員 日期:14-04-2009 10:31
新耳機 audio-technica ATH-SJ1
作者:悟樂 日期:23-02-2009 23:59
今日返工勁忙...
真係忙到... 唔知自己做過乜...
淨係知道急的O野好似冇攪過.
唔知係乜東東的東西就一堆堆!!!
頂~~~
中午留o係公司食飯時聽下久石譲 in 武道館,
心情先好返尐.
放工本來諗住送返尐吉狗比女朋友的,
點知原來佢約O左朋友食飯,
結果自己同 Jorliman 去o左深水埗同旺角行O左一晚.
早前深水埗黃金對面的 M 記裝修原來已完成,
現在還有免費 WIFI 上網 tim~~~!!!
不過我就親眼看到一個中年女人問一個職員如何用 notebook 上網的時間,
職員只是淡淡的說了一句我不知道就走了,
真的想捉個經理出來問下佢係咪咁教尐員工做O野的???
今時今日的.... 唉~~~
另外今日就O係旺角買了個新耳機 - audio-technica ATH-SJ1,
本身係想買 Panasonic 的 RP-HTX7,
一方面牌子大路, 網上亦見到有不少的好評,
加上外型真係幾靚,
結果就在旺角星際試了一輪,
但覺得對比 audio-technica ATH-SJ1 的聲音,
不知是否我的耳問題... 還是耳機的問題... 就是覺得 audio-technica ATH-SJ1 好一點點.
結果就買了audio-technica ATH-SJ1 (而且又平了不少~~ $180 jar~~~ ^_^)
回家現在先 Runin 幾個鐘吧~~~
明天帶出街聽!!!
Good!!!
1702_信和買碟
作者:悟樂 日期:17-02-2009 23:59
依期返工...
係咁要攪尐煩煩瑣瑣的東東,
就是沒有時間好好坐o係度諗下尐o野點做...
唉~~~
放工之後就同女朋友去o左油麻地,
佢就約o左尐朋友食飯,
我自己就走o左去信和行o左一轉.
本見到有幾隻 CD/DVD 想買的,
不過...
我分唔到佢到底係正版定翻版...
結果係... 冇買到...
想買隻碟... 係咪真係咁難呢???
我都唔知.
晚餐本想去食 KFC 的,
但落到去旺角地庫o個間,
睇到有空檯空椅,
但排隊的人數勁多,
排到落樓梯!!! 但淨係開得三個 counter...
乜事呢??? 人多就開多一條 line,
至少唔駛叫尐人等咁耐~~~
ok, 我唔會咁排law~~~
最後的晚餐就轉移o左去 M 記,
重要有 free wifi 比我一路食,
一路上網... KFC... 進步下la~~~!!!
2712_星期六
作者:悟樂 日期:27-12-2008 23:59
今早起身... 八點四個字...
本身已經攰... 勁想唔返...
完完全全係中o左假期後返工困難症...
但結果當然係返o左公司啦~~~
返到去... 本身今日已經多人請假的了,
加麻即日請假... 事假... 病假...
真係靜到不得了~~~
野就唔多要做... (其實係唔想做...)
一點收工.
放工之後就去o左接女朋友去將軍澳.
佢就去探狗仔,
我就坐o左o係度...
累到差尐訓着o左~~~
(好在電視連播兩套電影... 精武家庭和美女食神...
睇就唔係好睇, 不過就係咁唔會訓着)
夜晚就返o左去天水圍食o左少少o野先返屋企.
今日真係試到部 NC10 幾放便了.
去到邊, 開到邊.
唔係由香港東坐地鐵往返天水圍成個幾鐘的地鐵真係唔知點過了~~~!!!
蝦~~~ 唔知幾時地鐵車箱會有 WIFI 呢???
咁... 3G 咪可以...
P.S. 早兩日去o左深圳過聖誕的日記都未打...
重有勁多相未執... (唔係話執, 睇都未得閒睇...)
