昨晚明明諗住今早早點起身,
誰知差不多訓到十一點才起身.

下午就入了迪士尼酒店食下午茶,
(三餐當一餐食曬~~~)
o野食都 ok 的.
(係冇乜款式)
加上一直都有好聽的迪士尼音樂,
如果成日都有個咁的環境都唔錯...
但一定唔會平~~~  ~_~

晚上在屋企繼續打 blog (但長龍重未開始打...)
想點???!!!???

今晚係迪士尼比普通 Annual Pass 入去玩的最後一日.
之後如果要去就要星期一至星期四的日子.
同時係迪士尼萬聖節開放的第一日.
所以放工就和女朋友去玩了一晚.

為了配合有關晚上的安排,
日間時間就不斷加快工作進度.
希望可以唔駛OT 準時收工.

但同時發現一份上個月的會議記錄不翼而飛...
netbook 沒有備份...
依家都未知點算....
明天返到公司同呀頭匯報....  唉...

另早上收到家母來電,
稱於房中某處找回我的閃光燈,
故於 lunch 返o左屋企取回.
趕到不得了.  (當然有些少代價啦~~~)

今晚迪迪尼... 真係好多人...
(有好多重係學生, 一班人着住校服...  幾十個一圍)
(有時諗, 點解依家尐學生咁多錢出街玩的???)

三個主題的鬼屋,
當然係全場重點啦~~~
所以....   我係唔去的.
(你o地就開開心心去玩鬼屋, 我就開開心心去玩其他.)
依個就係策略了.

更強的就係一口氣連玩了兩次史迪仔,
但今次真係上得山多終遇虎,
睇人被史迪仔玩得多,
今次比史迪仔點相玩o左輪...
真係...  比"佢"激死.

要提的係迪士尼今年的煙花係和平日的沒有分別.
(聽講上年鬼節的煙花係有唔同的.)
唔知係未 ready 定今年唔會轉呢???
唔緊要啦~~~  反正我應該都唔會o係依段時間反睇的了.

另外可以講的係花車(鬼車)表演,
因為今次係o係街頭睇,
所以唔駛等好耐就睇曬所有的鬼車.
我個人覺得的係...  尐車一尐都唔靚...
真係幾鬼下...
另外尐鬼...  係咁行麻來對住你"嘩嘩嘩~~~  "
真係有打鬼的衝動!!!

唯一好睇的係見到 chip and dale 都出o左來扮鬼o個一 part.
但佢兩隻o野都企得好遠...  又唔知點解行得好快...
結果係...  影唔到靚相...

精品店...  多o左好多鬼節的精品.
但今次一樣都冇買到.
(係兩個人都冇買到 wu~~~  係咪好勁呢~~~
 唔駛洗咁多錢~~~  Yeah!!!
 不過一個主要的原因係...  尐o野係唔靚的)

呀~~~!!!
有樣要提的,
原來迪士尼線如果地鐵係想的.
佢係可以開兩部列車一齊行的.
唔駛等一部車去完一邊落曬客先返來的.
但唔知點解以前成日o係個站度明明好多人.
佢都係開一部 law~~~
唔知佢o地係用尐乜數據來決定開一部車定兩部車的呢???

P.S.  有個問題一路都好想問,
        有冇迪士尼的工程人員或其他知情人仕,
        我其實係想知巴斯光年的分數到底係點計的呢???
        我發現我去玩次次都唔同分的.
        但我目視打中的數量都係差不多...
        雖然大部份時間都已經係 Lv 6 or 7 (其實高過左邊o個個就得的啦~~~)
        但有時分數差好遠的,
        同時有時明明係4千幾....  轉個頭就飛o左去4萬幾.
        係咪有尐位打中係唔同分的呢???

P.S.2 To Happy,
         妳本史迪仔 notebook 我買o左了 (希望冇買錯啦~~~)
         明天見到妳的時候提我取,
         唔係我帶返屋企就...

我明白公司同事們每一天返工總有壓力,

有不快的時間, 對上司對老闆當然不能宣洩,

但總不能每次找我作為宣洩或發脾氣的對象吧~~~

今日開了一個助理例會.

開會前一次, 開會又來, 下午又一次.

會否有點兒過份呢~~~

要考我的 EQ?  我可沒有這麼高的情操.

要考我的忍耐?  我一路都冇乜耐性的.

大家返工都多o野做,

有尐o野唔係我唔想做.

唔係唔去發個電郵追下就可以.

為何就是不明白???

放工之後就去o左迪士尼,

今次剛巧找到一個好好的位置看煙花,

重係得兩個人睇, 冇其他人o係度的地方,

講真...  又幾浪漫wu~~~

之後就去o左東涌探一探女朋友尐 blog 友,

o係葵芳食o左少少o野之後就返屋企了.

累到...  不得了~~~!!! 

今日o係迪士尼畫的.

我都未畫曬就話夠鐘. 

今日係放長假之後的第一日返工,

第一天早上一起身已經係九點...

死未??? 

結果係飛的士返工.

返到公司,

野就冇乜要做的了,

係幫手分開工利是,

中午就o係公司食開年飯,

重有個抽獎,

一共就係有一個 24" Mon, 一部相機,

$500 現金一份, $200 現金三份.

上次 Annual Dinner 抽禮物就淨係得 $100 百佳劵,

但今次呢~~~  到去最後就抽到部 Topcon 24" Mon,

勁開心!!!

本來上年開始已經想換部 22" 以上的 Mon,

不過一路都冇錢換住,

好了~~~  依家唔駛比錢換了~~~

正!!!

中午食完飯就返O左一返去屋企放低O左部機,

之後就同女朋友去O左迪士尼玩.

今日...  天氣好好,

但勁多人!!!

三點幾幾去到,

到八點走人,

係玩得三樣o野,

玩了一次森林河流之旅…迪士尼火車…

去O左學畫米奇一次, 冇了...

有尐冇引...

下次再去過la~~~ 

晚上就返O左屋企換O左部 Mon,

勁大!!!  真係大O左好多~~~

依家睇O野要轉頭兩邊睇~~~

不過睇戲勁正~~~

打高達~~~  一流!!!

正呀~~~~!!! 

好食!!!