瀏覽模式: 普通 | 列表

一人一盒月餅

作者:悟樂 日期:05-09-2008 23:58

一人一盒月餅

話說今日公司今日派月餅,
一人一"盒", 係一盒,
不過係獨立裝, 得一個.
(重要晚上比我o係旺角 MTR 見到有得買.  $45.5)
多謝曬~~~
類別: 今日貼圖 | 引用: 0 | 評論: 0 | 閱讀: 7

0509_幾記

作者:悟樂 日期:05-09-2008 23:22

今日發生了幾件事,
話說公司今日出o左張通告.
(原來公司的主管已經知曬~~~)
(今次收風遲...  唔係遲, 直頭係唔知...!!!)
有個 sales clerk 升o左做 sales coordinator.
勁!!!

另外就係公司今日派月餅,
收到之後都唔知笑好定乜好~~~

不過叫做係開心的係 HR 今日講請到 PT,
下星期一開始會返工, 希望幫到手la~
真係想好好攪返好少少個系統...
再咁落去想做好少少都唔得.

放工之後就去o左旺角陪女朋友買o野.
之後就返屋企.
o係車上累到飛起,
跌o左兩次把傘落地...
真係...
標籤: 辦公室
類別: 每日小記 | 引用: 0 | 評論: 0 | 閱讀: 7

我唔係要圓椅wu~~~

作者:悟樂 日期:05-09-2008 15:04

客人C:  我係"浸會"姓蔡的, 明天係咪安排好o左有貨送過來的了?
Jimmy:  浸會?  明天冇貨送浸會wu~~~
客人C:  九龍灣o個邊wu~~~
(睇返明天的送貨單, 九龍灣得一單...  叫"俊和"
Jimmy:  你係唔係俊和地盤呀~
客人C:  係呀係呀~~~
Jimmy:  係呀, 明天有兩張會議檯同廿張文員椅送過來的.
客人C:  唔係"圓"椅wu~~~  有椅背o個wu~~~
Jimmy:  唔係, 係"文員椅".
客人C:  哦~~~  得得得, 冇問題了, 唔該曬.  bye-bye

>>係咪我發聲同聽電話真係咁差呢???
標籤: 辦公室
類別: 辦公室語錄 | 引用: 0 | 評論: 0 | 閱讀: 14

2008年九月的第一日

作者:悟樂 日期:01-09-2008 23:46

唔知係咪昨晚訓得唔好,
今早起身好似冇乜點訓過咁.

今日返工...
都係咁上下~~~
已經冇乜特別了.
得返兩個人, 請個 PT 兩個星期都請唔到.
重有乜好講...

不過好玩的係公司的新電話,
多o左好多o野玩, 又飛線, 又 Voice Mail,
最重要的係...  依家其他部門尐唔等駛電話又唔駛聽了.
又多o左個 call display 同 redial, 打起電話來快o左好多.
正!!!

放工之後就返o左屋企.
打下機...  早尐休息好了.

P.S.  剛剛先想起今日係個舊同學仔的生日 tim~~
        出事~~~
標籤: 辦公室
類別: 每日小記 | 引用: 0 | 評論: 2 | 閱讀: 28

2808_直曬~~~!!!

作者:悟樂 日期:28-08-2008 23:33

今日返到公司...
早上呀頭去o左開會...
得返自己一個,
淨係o係度聽電話都夠o左半日了.
都唔駛做其他o野.

話說我係未諗到個 form 未 present 就mail o左份 report 比大老闆,
廢事佢係咁追我...
佢中午就話比我知佢收到, 佢會做o野咁話...
下午就收到佢比各部門呀頭的電郵,
睇到我眼都凸麻...
內容強硬同惡到呢...  我初初都知佢一定會攪攪陣的了.
但真係冇諗住佢咁快手, 重要咁重手...
睇來之後唔係入面的同事嬲死我, 就係我比人玩死都似...
唉~~~
最勁的重係尾一句 "Jimmy, 麻煩晒. 請保持匯報."
Oh~~~  直曬~~~!!!

P.S.  今日特意行o左去新都會度睇清楚...  間 KFC 真係冇o左...  點解會咁的???
標籤: 辦公室 KFC
類別: 每日小記 | 引用: 0 | 評論: 2 | 閱讀: 43

MTR - KBD

作者:悟樂 日期:28-08-2008 23:25

一日睇到一張銷售單,
覺得有尐問題, 就打o左個電話比客人,
問o左尐詳情, 事後覺得好有問題.
就找o左個同事問問.

Jimmy:  同事, 可唔可以比我睇返依張單的客人 PO?
同事P :  你要來做乜?
Jimmy:  冇, 我想 check 返尐o野姐~
同事P :  哦~  一陣找比你.

大半個小時後...  收到該同事的有關資料.
內容客人的送貨地址欄是寫 " MTR - KBD "
而該同事打銷售單的地址是"  九龍地鐵站 "

Jimmy:  同事, 佢依度係即係送邊度的?
同事P :  唔知呀~~~  會唔會係九龍站呀~???
Jimmy:  你唔知又打九龍站???
同事P :  咁唔係咩???  咁係邊度呀???
Jimmy:  你唔知又唔問, 又唔查, 想點?
同事P :  咁唔得閒麻~~~
Jimmy:  So???

如是者同事就拿走了該份單, 約兩至三個小時後...

同事P :  嗱, 改返了.
Jimmy:  E?  咁係送邊的???
同事P :  九龍灣地鐵站
Jimmy:  係?  KBD 就係指九龍灣地鐵站?  你係問個客查清楚定係估的?
同事P :  你理得我~~~
Jimmy:  哦~~~  (都廢事同你講!!!)

P.S.  話說早上我和客人聯絡後得到的資料是...  送貨地址為九龍灣...  車廠...
        同地鐵站...  係咪有尐差別呢???
        攪o左幾個鐘頭比你自己翻單再 check, check 完都係錯...  咁...
標籤: MTR 辦公室
類別: 辦公室語錄 | 引用: 0 | 評論: 3 | 閱讀: 40

都知會追的了...

作者:悟樂 日期:27-08-2008 23:26

話說大老闆之前叫我每日的一份 report,
加麻上星期開始叫我的附加報告...
依兩個星期...  一份都冇出過.
唔係唔想做...  鬼有時間攪咩~~~

其實都知佢遲早出聲的了,
好了.  今日一日走過來講o左三次.
係係~~~   會攪的了...  有時間的話...
十九幾樣o野要做.
講真...  maintance 到依家咁的 level,
我覺得已經係超曬班的了...  重想點???

今日本來係放工就去游水,
但女朋友又話唔舒服...  咁就返o左屋企.
好想開本書睇...  但又好鬼累~~~
點好呢???

另外放工返屋企途中,
同o左好朋友傾o左一陣電話,
諗返依家尐後生...  (我都算係呀~~~)
真係唔知佢o地返工為乜~~~
不過咪鬼做啦~~~~
重講緊恨鐵不成鋼咩~~~
尐人係咪鐵都成問題~~~

睇返依一年...
我發覺我o係工作上的 EQ 高o左好多,
但同時我依期對事的耐性已經差不多用曬,
煩請唔好再咁攪我, 唔係我發起o左上來咪話我!!!
標籤: 辦公室
類別: 每日小記 | 引用: 0 | 評論: 0 | 閱讀: 28

2608_精彩

作者:悟樂 日期:26-08-2008 23:18

今日o係公司,
好玩到飛起,
都唔知尐同事做乜~~~
個個都有尐正o野比我攪下~~~
都唔知佢o地係咪返工的.

一單就係唔知邊鬼個,
同電話公司講如果有關電話單的問題,
就打電話來問我...
當o左我係係做乜的???
做會計o個邊的???

另一個重攪笑,
打電話約客的時候個客同我講送貨地址錯o左,
同原先同事比我o個個好大出入.
叫返個同事 check 返個客人 PO,
一 check 就睇o左幾個鐘都未睇到.
之後重要話....E???  好似錯o左wu~~~
(鬼唔知咩~~~)
之後重要比返一份改完都係錯的比你...
到底佢識唔識對地址的~~~???
睇唔明...  唔識睇咪查law~~~
再唔係簡單尐...  打個電話問下個客咪知law~~~
點解會攪到咁的~~~

未算~~~!!!
今日的主角係重勁!!!
o係依間公司個個都心情唔好, 多o野做係正常的.
有尐o野唔想跟, 唔想理還一件事,
突然飛一句"你係行政助理來嫁麻~~~  你有責任的!!!"
OK~~~  Good 曬~~~
咁樣law~~~
max 我係幫大家處理一尐行政上面的問題~
至於人為的...  兩個方法,
一係就叫 HR 攪, 一係的...  幫你召集一次大會同你攪一o野.
你想點???

再講....  家陣問緊你貨,
係用緊物流部的身份問你,
突然飛一句你係行政部的,
咁你不如話我越緊權做o野呀~~~!!!???!!!
真係火都來~~~!!!
發火之前~~~  攪清楚個問題係o係自己o個邊定係同緊你講o野o個邊,
唔係有乜事, 唔着數的一定係自己~~~
找個物流部/行政部的出氣話點解人o地覆你點解冇貨...
點計都係唔到落我度~~~
發我皮氣做乜???!!!???

今日結果係攪到七點半收工,
去o左個朋友仔屋企睇o左一睇佢部機...
好尐 toll o左佢~~~
勁想叫佢買過部~~~  唔駛煩~~~

返到屋企食o左少少o野,
明天...   明天先算~~~!!!
標籤: 辦公室
類別: 每日小記 | 引用: 0 | 評論: 4 | 閱讀: 32