決心食 KFC 的後果
作者:悟樂 日期:26-09-2009 22:04
先去了南豐的 KFC (係, 我又係想食 KFC)
但一行到去門口...
我真係唔想入去...
入面多人係一樣o野,
污穢先係大鑊,
睇塊地勁多垃圾... o係門口睇到入面尐檯面係油到反光的.
(咪玩啦~~~ 食完都唔會夠膽比送 NC10 出來呼吸啦~~~ 出來吸油咩???!!!???)
結果我有決心, 我要食 KFC,
就由南豐行o左落荃新天地食.
越過了地方污穢的問題,
但我遇到另一個問題...
我叫o左個 1A 餐, 同時見到依家叫萄撻買一送一,
即 HK$5.5 有兩個.
咁緊係要麻啦~~~ 兩樣o野加麻 HK$35.3
價錢唔係問題... 點都叫係食 lunch,
都算係 lunch 價.
但當職員執完食物之後,
一睇.... 唔係呀~~~ 三十幾蚊買得咁少o野?
左邊一件縮水版的雞上脾, 因為之前都見過...
已經冇o野好講, 只有怪自己唔好彩...
右邊一件雞下脾, 隻雞下脾真係瘦到好似得中間支骨.
(重細過去佳寶十蚊三隻雞下脾的大小)
依家 KFC 買返來尐雞係咪冇o野食...??? 越來越細的???
還是轉了雞種???)
飯... 唔好講... 打開先知原來係粥水咁濕...
重要係得半滿多少少... + 11 片蘑菇.
最左邊兩邊各一的萄撻,
本想是看到有特價, 心想: E? 好wu~~ 特價, 抵食wu~
誰知萄撻到手後才知是被騙,
特價萄撻是比以前 HK$5.5 一個的為小的.
唔好當我係失憶先得的....
好!!! 就當我係屈!!! 我覺得太細law~~~
講真.
如果三十幾蚊用來比 M 記尐姐姐,
我就算佢用大著條盒裝中著條比我...
唔唔會少得過依個份量la~~~
我覺得出街食一個 set (lunch)
三十幾蚊咁叫法正常點都會食得飽.
但結果我食完依個餐之後返o左屋企食多個杯麵先夠...
(但我明明記得我早兩年食一個餐我好夠下o個wu~~
唔通我第二度...... 唔會怪...)
睇返以前寫的 blog...
發覺都已經唔係頭幾次對 KFC 咁氣憤...
隨手已經找到一堆 blog post (都冇咁好氣搵返曬出來... 要睇自己 search) 係講 KFC 唔好.
加麻今日...
真係好灰.......
話說葵芳新都會間 KFC 已經冇o左年幾... 就來兩年都有...
依家要食已經難攪,
去開旺角, 荃灣, 天水圍...
次次食完都覺得有被 ark 水的感覺...
我係咪真係要轉正行返去全餐食 M 記先得呢?
(至少我會信個魚柳包唔會濕漉漉...)
我明白依家四處什麼都加價加租,
成本上不斷上帳是沒有辦法的事,
但要一個作為客人來講,
你要收得費, 份量少的話.
你就要比返有相對的質素的產品出來.
依家價就加o左, 量又少o左. (直頭係食唔僥的)
質素參差得咁大... KFC... 你到底想點???
隻雞係咪冇o野食??? 真係瘦到咁??? 完全冇肉的...
相關連結
KFC 好污糟到… 差過大排檔
荃新天地 KFC...
KFC... 賣雞變雞肋....
縮水雞 @KFC
KFC Vs 吉野家
工作指引? 個人習慣?
熱到傻的 PizzaHut
作者:悟樂 日期:25-09-2009 23:54
點知十點大老闆話想用一用會議室,
話 max 一個鐘用完.
點知去到十二點先開完.
攪到原定早上開會改到下午先開.
(唔通十二點先開... 唔好彩咪開到點幾???)
放工之後就去o左葵芳新都會食 PizzaHut,
兩個人各叫了一個廚師推介.
貴就唔算貴... 但... 我覺得唔好食law~~
(不過汽水任飲, 我自己飲o左兩杯~~~ Yeah!!!)
另外就係... 間鋪的冷氣係壞o左的.
熱到不得了, 未食o野已經覺得要出汗,
一食o野就... 唉~
壞唔緊要, 但我覺得有問題的係...
我第一次叫其中一個職員來,
說: 我想問可唔可以較大一點冷氣, 我覺得好熱, 出緊汗.
但得到的回答是: 已經是最大的了. 說完就走了.
(注: 當時全 PizzaHut 只是半滿, 如果是全滿相信會更熱!)
得到一個這樣的答覆當然不會接受,
女朋友就已即時叫了另一個職員來問,
竟然得到另一個完全不同的回覆.
內容是: 因為我o地間鋪係中央冷氣的, 依家出面的冷氣有問題(但出面商場好涼快wu~),
我o地已經通知o左工程人員處理的了.
下文是, 如果你回覆客人你的冷氣已經是最大,
以今天的天氣, 店內的人數, 現時的溫度,
你間鋪頭可以o係你下次大裝修(當然要包括冷氣)前要 blacklist,
熱到咁... 點會再來呀???
但如果回覆是冷氣壞o左, 已經整緊的話,
即係叫你依兩日唔好來住, 要來的話就要忍一忍.... ok~~~ 問題唔大.
依家諗返第一個職員咁樣答問題... 其實佢係咪倒米???
算~~~ 鬼叫我咁鐘意食 PizzaHut~~~
返到屋企就開o左個 topic 打 blog...
一打就打o左為千字... 依家乜事... 上身???
睇超鼠特工
作者:悟樂 日期:20-08-2009 23:59
本身自己都知如果要o係 Windows Mobile 睇返尐正常的網頁,
最好的就是用 Opera 的 mobile 版.
(我以前是用 netfront 的)
但不知是我的 PDA 已經太舊...
還是個人的問題, 用 opera 看網頁總是覺得不順...
不是覺得顯示出來的字太大(已經設定了 "small"),
就是覺得版面變了形...
結果大部份時間仍是用回了 pocket ie... 真的.... shit!!!
今早分別比一個呀頭, 一個老闆捉o左去傾計...
淨係傾計已經攪到冇曬尐時間.
講的內容當然係要出返來的時間做o野啦~~~
結果係冇時間+更冇時間...
有時覺得搵多兩個人返來都攪唔掂尐一路堆積返來的o野...
放工臨時加插o左和女朋友去睇超鼠特工.
o係葵芳百老匯睇... 細院... 但都要 $85 一位,
重要冇得平... (其實真係好貴下...)
由 1945 睇到 21xx.
時間唔係好長... -> 結果套戲唔多夠時間好好交代所有細節.
但套戲都好睇的. 不過個人覺得係唔需要去戲院睇.
可能等出 VCD/DVD 之後先睇.
原因分兩部份, 外圍因素和本身因素.
外圍因素:
不知是否為了環保及節省資源, 所用的 3D 眼鏡是用完回收再用的.
這本身不是一個太大的問題, 但重點是不少的 3D 眼鏡的鏡面已經花曬...
我與女朋友換了七八個先換到個不算是太花, 但有指模的 3D 眼鏡.
第二是戲院本身... o係細院睇... 太細了.
令 3D 的部份不突出, 沒有太大的立體效果.
本身因素:
不知是否戲院的硬件問題有關,
但我個人覺得此片的立體效果不多.
(至少比冰河世紀少很多, 更不用以迪迪尼的米奇音樂劇來比較了)
第二係故事要表達的前前後後應該有很多細節,
但於戲中沒有仔細交代好.
再加上於結尾要把寵物店的所有小動物都帶到總部的原因更是無法想像...
更不用說最後壞鼠的從良轉變...(簡直轉軚速度神速... 完全唔合理...)
變成套的感覺不太好.
如果話想看一下"超鼠"的可愛做型,
這套卡通是可以一看的.
但我覺得絕對沒有需要到戲院睇.
在家用一部 17" > 的 mon 睇就夠了.
用不着給 $85 到戲院睇... 太貴... 真係唔抵!!!
回家前走o左去百佳...
見到可口可樂特價 - $34.9 18罐,
平均 $2.2 一罐, 抵到死~~~!!!
大家可以由此諗一諗,
平時o係超市或便利店買一罐要 $5-7...
但原來佢以 $2.2 一罐都有錢賺的.
可以諗下佢的成本到底幾多錢...
平時賺o左你o地幾多錢了...
15072009 放工隨影
作者:悟樂 日期:15-07-2009 18:27
初試 A1 自助餐@葵芳新都會
作者:悟樂 日期:16-06-2009 23:59
你咪話...
就算已將公司每日例行要做的o野記低,
原來都唔等如去到o個日就會記得...
今日就係其中一個好好的例子.
我... 完全唔記得今日係要同尐 sales clerk 開會...
重要去到臨開會佢o地見我咁忙都冇停過,
問我重開唔開先記得... 你話點算...!!!???!!!
今日o係公司... 來來去去都係搬o野, 執O野...
真係冇停過... 唉~
放工之後兩個人心多多...
走O左去試葵芳新都會間 A1 自助餐,
價錢係 $186 + 10%,
兩個小時為限...
食完... 要講的係... 唔係太差....
但我就唔會再去了...
我第一次見有師傅超級厚切三文魚比我.
(改日貼圖)
另熟食的唔多, 但都係麻麻,
蛋糕和甜品基本都係過甜.
就只此一次吧~~~!!!
P.S. 今日女朋友o係屋企撞親隻腳,
初初話要幫佢買尐藥膏都重"支支阻阻",
點知過多個幾鐘頭之後就痛到行到一拐一拐,
真係比佢氣死!!!
