今早訓到十一點先起身,
起身之後就睇o左一陣林峯的情無限演唱會 DVD,
so far 又幾好睇wu~~~
不過我覺得好大部份係佢真係請o左好多嘉賓.
如果唔係真係會好悶下~~~

特別係王祖藍o個段,
唱和個人表演都十分精彩!!!
(得罪o個段...  我覺得佢o個 part 重好睇過林峯o個段...)

去到一點就出門口,
先去葵芳取相.
之後就出發去尖沙咀.
去參加由鮮奶和 happy 攪的網聚.
一次過識到十幾個網友...
(但 sorry~~~ 真係唔記得幾多個...  
 唔介意的...  請下次再講多次~~~)

成個下午真係過得好愉快~
網友有好多唔同的類別,
個個都好專業, 好勁!!!
(好在佢O地冇點問我係做乜的姐~~
 我依尐...  真係除o左洗廁所唔駛之外就乜都要做...  唉)

但有o野要講的係...
間 cafe 明明有 wifi 上網的.
但個個都連到個 wifi rounter...
但上唔到網law~~~
結果係得我和彎彎經返自己部電話上網(但人o地係 3G, 我係 GPRS)
(上得到就算啦~~~)

另外就係...  我唔知係咪個老闆唔識煮雞翼的呢~
好多人都叫o左雞翼, 大約一共叫o左 12-14 隻...  (估計)
但至少有6隻係生的!!!
我講多次...  係真係好生o個隻.
如果入面有尐血都重可以接受,
但尐肉入面係生肉來的!!!
真係唔知佢點煮的...

另一樣開心的係,
我大半年前印的咭片終於第一次派到出街了.
希望大家都會鐘意啦~~~
(有個乜都唔X 識的死靚仔(佬)
唔知個衰咁去學人派咭片~~  哈哈~~~

六點之後就回程返荃灣,
和女朋友去o左稻香食o野.
講返七時o個時.
唔知乜事天氣突然突變!!!
突然(真係好突然)起大風,
落大雨...  好似倒水咁...
就算我企o左o係天橋...  都攪到半身濕曬~~~
都唔知想點...  明明明天請o左一日假...
就會打大風...  落大雨...  想點呀???

不過今日網聚真係過得好開心,
不過係唔知下次重有人會預麻我呢???

相關連結

[活動] 913 網聚．邀請出席
鮮奶茶敘
《愛．生活》愉快的．913網聚
新Netbook+Blog聚
《尋找．美食》913網聚 (尖沙咀 - 3J Cafe)