• 1 
瀏覽模式: 普通 | 列表

決心食 KFC 的後果

作者:悟樂 日期:26-09-2009 22:04

今日下午o左去荃灣食o野,
先去了南豐的 KFC (係, 我又係想食 KFC)
但一行到去門口...
我真係唔想入去...
入面多人係一樣o野,
污穢先係大鑊,
睇塊地勁多垃圾...  o係門口睇到入面尐檯面係油到反光的.
(咪玩啦~~~  食完都唔會夠膽比送 NC10 出來呼吸啦~~~  出來吸油咩???!!!???)

結果我有決心, 我要食 KFC,
就由南豐行o左落荃新天地食.
越過了地方污穢的問題,
但我遇到另一個問題...

我叫o左個 1A 餐, 同時見到依家叫萄撻買一送一,
即 HK$5.5 有兩個.
咁緊係要麻啦~~~  兩樣o野加麻 HK$35.3
價錢唔係問題...  點都叫係食 lunch,
都算係 lunch 價.
但當職員執完食物之後,
一睇....  唔係呀~~~  三十幾蚊買得咁少o野?


決心食 KFC 的後果


左邊一件縮水版的雞上脾, 因為之前都見過...
已經冇o野好講, 只有怪自己唔好彩...
右邊一件雞下脾, 隻雞下脾真係瘦到好似得中間支骨.
(重細過去佳寶十蚊三隻雞下脾的大小)
 依家 KFC 買返來尐雞係咪冇o野食...???  越來越細的???
 還是轉了雞種???)

飯...  唔好講...  打開先知原來係粥水咁濕...
重要係得半滿多少少... + 11 片蘑菇.

最左邊兩邊各一的萄撻,
本想是看到有特價, 心想:  E?  好wu~~  特價, 抵食wu~
誰知萄撻到手後才知是被騙,
特價萄撻是比以前 HK$5.5 一個的為小的.
唔好當我係失憶先得的....
好!!!  就當我係屈!!!  我覺得太細law~~~
講真.
如果三十幾蚊用來比 M 記尐姐姐,
我就算佢用大著條盒裝中著條比我...
唔唔會少得過依個份量la~~~

我覺得出街食一個 set (lunch)
三十幾蚊咁叫法正常點都會食得飽.
但結果我食完依個餐之後返o左屋企食多個杯麵先夠...
(但我明明記得我早兩年食一個餐我好夠下o個wu~~
 唔通我第二度......  唔會怪...)

睇返以前寫的 blog...
發覺都已經唔係頭幾次對 KFC 咁氣憤...
隨手已經找到一堆 blog post (都冇咁好氣搵返曬出來...  要睇自己 search) 係講 KFC 唔好.
加麻今日...
真係好灰.......
話說葵芳新都會間 KFC 已經冇o左年幾...  就來兩年都有...
依家要食已經難攪,
去開旺角, 荃灣, 天水圍...
次次食完都覺得有被 ark 水的感覺...
我係咪真係要轉正行返去全餐食 M 記先得呢?
(至少我會信個魚柳包唔會濕漉漉...)

我明白依家四處什麼都加價加租,
成本上不斷上帳是沒有辦法的事,
但要一個作為客人來講,
你要收得費, 份量少的話.
你就要比返有相對的質素的產品出來.
依家價就加o左, 量又少o左.  (直頭係食唔僥的)
質素參差得咁大...   KFC...  你到底想點???



隻雞係咪冇o野食???

隻雞係咪冇o野食???  真係瘦到咁???  完全冇肉的...



相關連結
KFC 好污糟到… 差過大排檔
荃新天地 KFC...
KFC... 賣雞變雞肋....
縮水雞 @KFC
KFC Vs 吉野家
工作指引? 個人習慣?
類別: 隨感隨發 | 引用: 0 | 評論: 5 | 閱讀: 141 | 列印

熱到傻的 PizzaHut

作者:悟樂 日期:25-09-2009 23:54

今早本來十點半話要開會,
點知十點大老闆話想用一用會議室,
話 max 一個鐘用完.
點知去到十二點先開完.
攪到原定早上開會改到下午先開.
(唔通十二點先開...  唔好彩咪開到點幾???)

放工之後就去o左葵芳新都會食 PizzaHut,
兩個人各叫了一個廚師推介.
貴就唔算貴...  但...  我覺得唔好食law~~
(不過汽水任飲, 我自己飲o左兩杯~~~  Yeah!!!)
另外就係...  間鋪的冷氣係壞o左的.
熱到不得了, 未食o野已經覺得要出汗,
一食o野就...  唉~

壞唔緊要, 但我覺得有問題的係...
我第一次叫其中一個職員來,
說:  我想問可唔可以較大一點冷氣, 我覺得好熱, 出緊汗.
但得到的回答是:  已經是最大的了.  說完就走了.
(注:  當時全 PizzaHut 只是半滿, 如果是全滿相信會更熱!)
得到一個這樣的答覆當然不會接受,
女朋友就已即時叫了另一個職員來問,
竟然得到另一個完全不同的回覆.
內容是:  因為我o地間鋪係中央冷氣的, 依家出面的冷氣有問題(但出面商場好涼快wu~), 
            我o地已經通知o左工程人員處理的了.

下文是, 如果你回覆客人你的冷氣已經是最大,
以今天的天氣, 店內的人數, 現時的溫度,
你間鋪頭可以o係你下次大裝修(當然要包括冷氣)前要 blacklist,
熱到咁...  點會再來呀???
但如果回覆是冷氣壞o左, 已經整緊的話,
即係叫你依兩日唔好來住, 要來的話就要忍一忍....  ok~~~  問題唔大.

依家諗返第一個職員咁樣答問題...  其實佢係咪倒米???
算~~~  鬼叫我咁鐘意食 PizzaHut~~~

返到屋企就開o左個 topic 打 blog...
一打就打o左為千字...  依家乜事...  上身???
類別: 每日小記 | 引用: 0 | 評論: 2 | 閱讀: 132 | 列印

25092009 新都會隨影

作者:悟樂 日期:25-09-2009 19:23

25092009 新都會隨影

今日行過葵芳新都會看到一間店鋪一口氣入o左好多隻吉.
睇來真係幾受歡迎wu~~~
類別: 今日貼圖 | 引用: 0 | 評論: 2 | 閱讀: 110 | 列印

初試 A1 自助餐@葵芳新都會

作者:悟樂 日期:16-06-2009 23:59

你咪話...

就算已將公司每日例行要做的o野記低,

原來都唔等如去到o個日就會記得...

今日就係其中一個好好的例子.

我...  完全唔記得今日係要同尐 sales clerk 開會...

重要去到臨開會佢o地見我咁忙都冇停過,

問我重開唔開先記得...  你話點算...!!!???!!!

 

今日o係公司...  來來去去都係搬o野, 執O野...

真係冇停過...  唉~

 

放工之後兩個人心多多...

走O左去試葵芳新都會間 A1 自助餐,

價錢係 $186 + 10%,

兩個小時為限...  

 

食完...  要講的係...  唔係太差....

但我就唔會再去了...

我第一次見有師傅超級厚切三文魚比我.

(改日貼圖)

另熟食的唔多, 但都係麻麻,

蛋糕和甜品基本都係過甜.

就只此一次吧~~~!!!

 

 

P.S.  今日女朋友o係屋企撞親隻腳,

初初話要幫佢買尐藥膏都重"支支阻阻",

點知過多個幾鐘頭之後就痛到行到一拐一拐,

真係比佢氣死!!! 

類別: 每日小記 | 引用: 0 | 評論: 2 | 閱讀: 205 | 列印

11062009 人山人海的 Taste@葵芳新都會

作者:悟樂 日期:11-06-2009 19:18

Refresh Your Mind - 新都會

作者:悟樂 日期:13-11-2008 22:35

"Refresh Your Mind" 是常常我在新都會廣場看到的標語,

在這十多年, 新都會廣場常常重新規劃內部的商店的設計,

有時真的很難記得以前新都會的間隔了.

 

但有一個地方到這一刻仍是"十年不變"的.

就是外面的電話"亭"了.

對吧~~~!!!

 

Refresh Your Mind - 新都會 

類別: 今日貼圖 | 引用: 0 | 評論: 6 | 閱讀: 286 | 列印

新都會又轉店鋪了

作者:悟樂 日期:13-11-2008 22:31

不知之後又會變那一間新鋪呢??? 

類別: 今日貼圖 | 引用: 0 | 評論: 0 | 閱讀: 254 | 列印
  • 1