今早同尐 sales clerk 開會,

都冇乜特別o野講.

有時都想諗下...  開會的形式會唔會可以改一改,

唔好攪到好似咁正式咁, 可以輕鬆尐 (但依家又好似已經好鬆下...)

唔理住了.

話說公司有幾個滅火筒就到期,

發o左比好幾家公司報價,

但返來的價錢差距好大~~~

由 $400 到 $890 不等,

但大家回覆的價錢都係最抵, 而且服務內容一樣...

諗到頭都大都唔知到底點解會有咁大分別...

放工之後就落o左旺角,

約o左個朋友仔 2030 食飯,

見有時間多就諗住去紅十字會撞撞,

如果唔係咁多人就去捐血.

點知一上到去以為自己睇錯時間,

上面差不多係冇人的.

入到去填表格, 之後就馬上入去見護士.

之後就直接入去捐血.  完全唔駛等.

18:45 入去...  19:15 就捐完.

(已包括中間所有時間)

咁大個仔都係第一次咁快手.

平時就算少人...  點都要等下,

今日直頭係冇人咁...  乜依家冇人去捐血了嗎???

捐完血之後就去o左旺電行o左一陣,

又上o左一陣網.

八點半就同個朋友去o左板前食o野.

等位半個鐘, 食就...  唔記得食o左幾耐的.

不過有個問題, 佢就蛄o左一次鰻魚壽司, 一次海鰻壽司,

睇樣就係有尐分別的, 但食落又好似冇乜分別wu~~~

咁到底係咪同一樣o野想的呢???

今早一早就醒o左,

之後去o左 M 記買早餐,

本想係堂食(可想我係幾早起身...)

點知好多人...  結果係要返公司食.

今早十一點鐘開會...

講到一點鐘完.  (好在)

星期一返去要整理返尐資料...  (好煩)

放工之後就入天水圍找女朋友,

之後就同佢去o左上水,

行o左幾間旅行社,

話說佢想o係五月頭的假期去下旅行...

哦~~~

晚上就和班親戚食飯慶祝公公生日.

攪到差不多十二點先返屋企.

P.S.  今日返到公司,

發現唔知自己做過尐乜...

部 PPC 個 active sync 死o左...

本來係諗住 hardreset 就算,

誰知聰記轉頭 send o左個新 ROM 來.

就係咁...  我又更新o左個 ROM,

From Windows Mobile 6.1 -> Windows Mobile 6.5!!!

好似好 pro...  不過...  我部機塊 CPU...  頂唔頂到的???

P.S. 2  元綠壽司依家做緊 $3 一件蝦壽司,

   每人最多可以叫 6 件.  i.e.  兩個人就可以叫 12 件.

   淨係入去食下蝦壽司都 ok 的.