近了... 近了...

作者: 悟樂日期: 08-07-2008 23:43

字體大小: 小中大

今早一早起身,
累係累的,
不過照返工.
帶o左雪櫃兩件 Pizza 返公司打算o係公司食.

返到公司...
九點幾幾老闆走來問我,
點解重見到尐運輸o係下面執單上貨咁慢...
答o左佢幾句...
講講下~~~
講到問我有冇諗過叫運輸同倉的同事早一個鐘頭返來上貨.
用來避開早上上貨要爭升降機的問題...云云.
唔該曬~~~ 你想我點答你?
你叫人早一個鐘返來, 人o地唔駛訓覺的咩~
話比人早收返一個鐘,
兩樣o野, 咁倉收o左o個一個鐘有客來 (變o左o係辦公時間) 邊個理佢?
二, 你唔駛尐員工到時 OT 補返先算啦~~~
唉~~~

十點幾幾運輸o係貨台打電話比我,
話有七八張單上唔到車, 成部車滿曬~~~
落到去, 先比運輸潤o左一輪,
問o左一尐我都唔知點答的問題...
之後對住貨台尐貨... 都唔知講乜好...
就o係貨台攪到一個多鐘頭,
內容係 call 街車, 計下餘貨點樣o係今日盡量走麻佢...
快定慢??? 唔好問我, 我覺得我做到咁的地步算係咁的了.

中午同o左一班同事去o左食飯,
聽聞好多同事都會走...
公司重邊有人o係度???
唔知~ (事關自己都想做... 點做姐~~~ 都傻的)

下午返去... 見尐單睇到傻~~~
今日講返尐單係交o左上深圳尐同事約客.
呀頭就o係深圳睇住,
香港所有問題就我處理.
淨係聽客人電話, 運輸電話, 安裝師傅電話...
都夠做了...

去到五點幾幾深圳同事先回覆約曬客人,
o個時先睇到後日要送尐乜貨,
重要睇排程... 計車... 重比大陸係咁追我比料佢.
但今天有六七張今日送唔到的單, 另外寄澳門船的貨送少o左,
今日要送缺漏的o野重未攪曬... 想點~~~
攪到人到癲!!!
火火地o係公司爆曬粗~
直頭想o係抽櫃拿封信放o左呀頭檯頭,
之後就執o野走唔load....
聽到有個 sales 呀頭問我乜事...
唉~~~
咁攪真係唔長...

今日結果係做到差不多九點鐘...
都唔知為乜...
返到屋企... 累到冇命...
想點???

P.S. 今日o個兩件 Pizza 到放工都冇時間食...
明天重食唔食得呀???