依家尐小朋友真係...

作者: 悟樂日期: 06-07-2008 23:24

字體大小: 小中大

話說昨日熱到冇命,
點知昨晚開始就有雨落.
今日直頭有尐橫風橫雨的時候添!

未算!!!
今日下午就o係個咁的日子同女朋友去游水.
今幾事要記的.
一就係o係會所的門口.
我o地入去的同時有三個小朋友出來.
間中一個小朋友唔知點解大罵另外的兩個小朋友.
罵還罵, 用的一句係問候人家的媽媽~~~
我同女朋友, 連同門口的管理員都目瞪口呆...
駛唔駛呀... 小朋友... 重有... 你... x 到佢... 的咩~~~
真係 O 曬嘴...

另一樣係今日去到先知個會所泳池的男更衣室翻新,
(係呀~~~ 夏天先來翻新, 唔知佢想點.)
用就要用行到另一邊的運動場的男更衣室,
重要係冇 locker 用...
換完衫同游完水就要行過一個長長的大堂.
勁冇引~~~
未算!!! 個更衣室得兩間沖涼房,
當游完水去沖身時...
有一個呀叔唔知乜事...
o係其中一間到攪足二十五分鐘...
都唔知佢o係入面做乜~~~
真係想走去問下佢o係入面係咁暈o左...

游完水去後就去o左剪頭髮,
晚上就去o左 PizzaHut 食o野.
好飽!!!

晚上諗住快少少坐西鐵返屋企,
點知訓多o左... 一個站...
去到美孚返轉頭,
去到荃灣又等o左廿分鐘小巴... 氣死.