2606_返工為乜

作者: 悟樂日期: 26-06-2008 23:49

字體大小: 小中大

今日返工前買o左個包包打算返公司食,
結果係由早到放工...
個包都係冇食過.
重有的係... 今日落車的時間勁大雨,
返到公司... 半個人濕曬...
都唔知點攪的...

今日有幾單精彩o野.
其中一單就係今日下午三點幾先知大陸的海關轉o左新的檢貨模式,
詳情依家我都未知, 不過就會對物流出貨有好大影響,
會由提前兩日處理出貨變做三日.
唔好問我點做, 我都唔識得做.
以依家的人手本身已經處理唔到,
明天開始更大件事,
重要下星期二係 01/07 放假.
死緊!!!

二就係我開始覺得o係依間公司冇曬方向,
真係唔知返工為乜...
日日做重覆相同的o野.
唔係講緊文件, 係同一張單會為不同的問題而重覆處理.
直頭係浪費時間!!! 更令其他本應處理的事無法理會.
甚至是忽略o左... 都唔知想點.

放工之後返學... 依舊係悶到傻~~~
嗱嗱嗱, 唔好話我唔話...
份大 project 好去做了...
唔係七月底一定死唔到出來就 P 的了...
下星期重有一個 present 要做.
淨係諗到就頭痛了.

P.S. 話說昨晚加o左我個位加o左個Skype 電話之後,
        今日已經勁多人 Skype 我,
        有深圳的同事, 有國內廠的同事,
        有自己寫字樓的同事.
        又有電話, 又有訊息,
        我之前的問題更明顯,
        早前公司 Block 曬所有電腦唔比用 MSN.
        依家就要全公司裝曬 Skype...
        咁... Skype 同 MSN 有乜分別呢???