唔想再咁做!!!

作者: 悟樂日期: 13-06-2008 23:37

字體大小: 小中大

今日只可以用兩個字來形容 - 痴線.
真係做到死!!!

一來呀頭上o左大陸做o野.
變o左所有電話基本上係我聽曬.
所有單我睇曬~~~
雖然有個 PT 同事今日特別留低幫o左我全日.
但對準時完成工作好像沒有什麼幫忙.

今天淨係對 sales 開出的一張又一張有問題的單.
就已經差不多浪費了數小時的時間,
這張單找這條 team 改, 那張單找那條 team 處理.
今日基本上個個部門都找足,
有一些還來回好幾次!!!
真係做到火都來!!!

淨係講單特別一點的,
有張單我星期二已經看到地址有問題,
出了個電郵給該 sales 及 sales clerk,
但到今日一直冇人理我.
內容為該送貨地址寫送香港新界沙田天水圍道XX號美X樓某處.
天呀~~~!!! 沙田那裡找天水圍道?
另我想到的美X樓不是在太子的嗎? (對不起, 我認路還不是太好...)
好!!! 不要緊, 找客人問問就可以吧,
聯絡電話... 查無此號!!!
延至今天, 拿了張單找該 sales 問.
查了一輪, 結果是 "天水" 應為 "大" 字.
我都唔明點解本來一個字佢會睇o左做兩個字...
點睇兩組字都唔會似樣呀~~~
(聽講話個 cleck cleck 同事睇唔清楚個客人寫乜wu~~
但睇唔清唔會問下個客的咩???)
而電話就有兩個數字打錯... ... ... 無言

結果就係等等等等的問題,
去到五點幾先 go through 曬星期一的送貨單.
排單... 對單... 出行程.
之後先翻到手做明天的行程...
去到八點先走得... 真係...

講真... 我都唔明點解日日都有咁多單去到物流部先發現有問題,
冇人會出單前睇下自己打o個張單有冇問題的.
就以上一張睇, 送沙田天水圍道???
又沙田又天水圍, 打的時候會唔會諗一諗點解沙田又有一個天水圍,
難道覺得沙田有一個銅鑼灣山就會有一個天水圍???!!!???
停一停, 諗一諗都會覺得可能有問題吧~~~
還是公司請了一批打字機???
淨係識得用幾年前的 OCR 系統辨字, 之後照打???
做o野唔係咁做呀~~~???

重有一單,
今日五點幾打電話來,
話有一隻櫃要明天一定速運到外國比客人.
(但貨o係大陸wu~~~)
叫我攪掂佢... 點攪???
貨就早已經今早十一點報o左比大陸海關,
車就就已三點幾四點裝曬貨走o左了.
五點幾話加單???!!!??? 點加???
對唔住, 我唔識.
你識的就你來做, 我睇你做好了.