訂閱
上一篇
返回
下一篇
黑雨返工記
作者: 悟樂 日期: 07-06-2008 23:59
今日一早起身,
已經見到出面落好大雨...
上網一睇... 黑雨...
灰曬~~~
依間 PK 公司講的係...
黑雨要求員工o係正常返工時間的90分鐘內返到去.
即係1030前要返到公司.
同事們今早在 MSN Chat Room 討論了一番.
結果係有尐返... 有尐唔返.
點都好~~~
今日返去做多少少o野,
下星期有多尐尐時間溫書都好...
反之攪笑的係...
公司尐高層對黑雨返工的反應和認知都不一.
有尐話唔駛返, 有尐話要返.
最攪笑的係有人同我講係等黑雨落o左之後兩個鐘頭返...
都唔知佢有冇睇員工指引的...
更攪笑的係今日有人問老闆,
點解個指引好似咁怪...
到底駛唔駛返,
老闆回覆話... 咁要問 Admin Manager...
想點???!!!???
去到差不多兩點收工,
之後就入o左天水圍,
陪o左女朋友去o左深圳南山書城睇書.
今次自己都買o左本.
有時間睇先算~~~
夜晚食麻飯之後就返屋企.
好累呀~~~!!!
引用通告地址:
http://blog.jimmy.wha.la/trackback.php?tbID=1899&extra=ec13c3
評論: 6 |
引用: 0 |
閱讀: 251
新鮮人
 |
係咩???? 哩個政府又整啲無寧兩可嘅白痴規則出黎做乜呀?? 無聊之極,愈搞愈亂!! |
悟樂
 |
Re 新鮮人, 根據勞工處出的一本"颱風或暴雨警告下的工作守則" 的第六頁 暴雨影響期間 當黃色或紅色暴雨警告生效時，如公共交通工具維持服務，僱員通常都要上班工作。 不過，在戶外工作的僱員應暫避風雨，直至天氣情況許可，才恢復工作。 當黑色暴雨警告生效時，道路可能嚴重水浸和天氣情況惡劣。 為僱員的安全著想，僱主不應要求僱員上班，除非雙方事先已協定有關的工 作安排。 >>但我間公司就冇為員工着想的... 唉~~~!!! 小冊子原文 http://www.labour.gov.hk/public/pdf/wcp/Rainstorm.pdf |
 |
係,黑雨o既返工安排的確係咁,其實同掛八號風球o既安排一樣. 除非係公共服務業如警員,醫護,消防等. 而你o地係文職,正常都應該唔使返個喎,而且有咩事保險未必會賠,你公司就大大鑊. 我覺得你係可以堅決唔返.記得下次唔好喇. |
|
Re 慧瑩, 黑雨同八號風的的應對方案係唔同的. 黑雨係要睇你老闆駛唔駛你返. 而八號風就一定要比你走. 唔同的. 如果黑雨的時間公司叫你返而你唔返, 你要比返個所謂的合理理由公司. 如果唔係公司有權扣你錢的. 至於有冇叫你要返定唔駛返. 就要睇返你自己的員工合約同守則了, 我自己依家間寫的就係要返... |
發表評論
這是法例!
但為何指明要九十分鐘呢?
是由停了黑雨開始計嗎?
法例冇講過黑雨係唔駛返的.
勞工處見意係唔好返.
但唔係指明唔好返.
唔同的.