訂閱
上一篇
返回
下一篇
公司的新通告-新加病假及年假
作者: 悟樂 日期: 28-05-2008 22:21
今早去o左買o左個包包,但結果係冇時候食的.
中午同同事去o左食麵.
自己一個人叫o左兩碗... 傻o左???
公司有好的事就係今早一返到公司,
採購部個呀頭就話有張好過我依家坐緊o個張爆焊的辦公椅,
好靚就算不上, 不過就好過依家o個張.
(聽講係老闆o係 showroom 見到覺得好樣衰,
叫佢處理o左佢... 云云...)
點都好啦~~~ 坐落都 ok 的.
至少唔驚一日我坐落去會跌死我先啦~~~
好!!!
講返正題,
昨日的通告內容大致是這樣的.
由下年開始,
對!!! 是下年, 因為要等到農曆年.
勞工法例就係放初一, 初二和初三.
依家公司見大家咁多年之後o個幾日返去都冇o野做.
又唔想浪費電力.
(係!!! 聽講之前有個同事好勤力OT free 比公司,
但結果係比老闆話佢咁返工會唔會用多好多電費...)
所以就加多三日假期比大家, 即係放多初四, 初五同初六.
只要該員工過了三個月試用期, 當然你要做到去農曆年又唔辭職,
就會有該三天的假期了.
Good 曬, 所以昨日已經提及過...
應該係唔關我事的.
反之另一樣似係有尐作為的係公司大"送"病假.
本身間間公司正常都會有一個月一日的有薪病假,
只要你有醫生紙就ok.
但 sorry... 我依間係乜都冇的.
好了.... 依家話一個月會有返一日.
但係就一定要有醫生紙,
而醫生紙換返來的係 4/5 人工.
有咁的決定的原因聽講係想鼓勵員工如果身體不適就多點休息...
救命!!!
放工之後就直接返屋企.
今日收到o左紅十字會的一封請柬,
好似好得意... 但唔知去唔去好...
去有乜攪的呢~~~??? 好怕悶...
P.S. 今日人事部同我講...
勞工法例話一個員工如果重有 AL (年假) 的話就唔可以請事假...
一定要請年假先的. 有冇人知內容???
引用通告地址:
http://blog.jimmy.wha.la/trackback.php?tbID=1876&extra=cf909b
標籤:
snapshot 辦公室 紅十字會 超時工作 環保 浪費電力 浪費 病假 電費
評論: 6 |
引用: 0 |
閱讀: 355
新鮮人
悟樂
 |
加三日假,你公司都好好吖. 其實呢....勞工法例o既所謂有薪病假係冇咁多同好似只畀2/3人工o架.而有全薪病假係個別公司自己畀o既. (其實你公司褔利都唔差) 至於你人事部話勞工法例話一個員工如果重有 AL (年假) 的話就唔可以請事假...,呢個好似係真. |
 |
Re 慧瑩: 正路唔係的~ From 僱傭條例簡明指南 第五章：疾病津貼 有薪病假的累積方法 僱員按連續性合約受僱，在最初受僱的12個月內每服務滿1個月，便可累積2天 有薪病假；之後每服務滿1個月可累積4天。有薪病假最多可累積至120天。 領取疾病津貼的資格 僱員領取疾病津貼須符合以下資格： 1.病假不少於連續4天（除懷孕僱員因產前檢查、產後治療或小產而缺勤，在這 些情況下，如符合下述的規定，每一天病假均可享有疾病津貼）； 2.僱員能夠出示適當的醫生證明書（請參考本章的「有薪病假的類別」；及 3.僱員已累積足夠的有薪病假(見上文第一段)。 僱員在下列情況不可享有疾病津貼： *如僱主辦有經缳生署署長認可的醫療計劃，僱員無合理解釋，拒絕接受醫療計 劃下的公司醫生診治或不聽從該等醫生的指導； *病假適逢有薪法定假日而僱員可享有該假日薪酬；或 *僱員因工受傷，根據《僱員補償條例》，可獲得補償。 有薪病假的類別 有薪病假可分為第1 類及第2 類。 第1 類病假最多可累積36天，36天以外的病假應撥入第2 類 第2 類病假最多可累積84天。 放取累積有薪病假日的條件 第1類 36天-有註冊西醫或註冊牙醫簽發的證明書 第2類 84天-放取的病假日數超過第1類病假內累積的日數 *如僱主提出要求，須提交由駐院醫生或牙醫簽發的病假證明書 *如僱主提出要求，須提交由駐院醫生或牙醫所作的檢查及診療過程的簡要紀 錄。 違例與罰則 僱主如違反上述規定，即屬違法，僱主可被刑事檢控，一經定罪，最高可被罰 款10萬元。此外，僱主必須在終止合約後7天內，支付下列款項給僱員： 1.解僱代通知金； 2.一筆相等於7天工資的款項；及 3.僱員應得的疾病津貼。 |
發表評論
第四日帶飯 (圖) (18-12-2008 22:31)
第三日帶飯 (圖) (17-12-2008 23:58)
電腦新成員 - Samsung NC10 (17-12-2008 23:57)
第一日帶飯 (圖) (15-12-2008 23:58)
迷你氣墊船 (14-12-2008 23:57)
新置 MP3 - 冇 display (14-12-2008 23:56)
一晚三隻聖誕鹿 (13-12-2008 23:58)
今晚晚餐 - 北海道活壽司 (10-12-2008 23:59)
Amway 的後起者??? (08-12-2008 23:59)