我兩個已結婚的舊同學Blog 內,
見佢出o左個咁的 post,
覺得好玩,
(雖然我已在本人二十歲時講過了二十歲就已沒有理想可言云云...)
但亦照抄作一次!!!

1. 離家15分鐘路程
在我家到公司的路程...
有少少難攪...  計車程定計路程好呢?
如果車程...  有快有慢...  快的15min+8min行路.
(未計等lift, 公司部死人lift 可以等佢十五分鐘...  準時變遲到...)
但車慢的...  四十分鐘都未落到車...  死未!!!???!!!

2. 可以穿便服上班
公司講到明要 Bussiness Wear 返工.
但就唔駛打tie... 但基本上冇人會理佢.
女同事就直頭想着乜就着乜...
都冇人理的.
不過自己廢事諗着乜衫加上屋企尐衫都破破爛爛,
故在今個春季前應還會西褲返工...

3. 作息有時
依間公司返工要人準時,
唔係會扣人工!!!
但放工時間就冇人性.
初來報到時九點十點幾幾都試過.
星期六收六點...
但在近月初有改善,
但來月公司會大改動...  真不敢想像.

4. 有發揮
冇, 依度完全冇!!!
不過下個月開始可能會有...不過亦有可能死!

5. 正常同事/老闆
依間公司...  高層的冇乜邊個正常.
(我自己的呀頭係例外的, 所以佢都比人蝦得好慘...)
個個一出事就只會找人出來罵, 完全唔會攪清楚件事的.
老闆就唔會罵人, 不過諗出來的o野...
直教人覺得是叫一個幼稚園學生做一隻真的能飛出太空的穿梭機.

6. 時薪合理
公司基本上係行月薪的.
以我自己及所識的同事內,
人工是比市場偏低的.
聽說是公司冇錢賺...  冇錢賺又要攪生意?

7. 福利好
基本上無乜福利，
一年七日 annual leave,
請病假要醫生紙, 但人工照扣!!!
(咁比假紙你做乜???  傻的佢!!!)
睇只定醫生好似有得平...  不過我冇睇過......  完

8. 培訓多
原則和基本上全部欠奉.
公司現行的有兩套主要的系統,
亦有試過舉辦 traning 的會議,
但不知係同事的素質有問題還是培訓不足.
就連公司的管理階層亦常會以不懂使用作為免責的理由.
至於其他像樣的外出培訓則少之又少.
而且主要集中某一部門的同事.

9. 電腦屏幕位置佳
Um...
自己依家用緊個Mon...  都可以接受的.
如果轉做LCD 當然會好好多la~~~

10. 公司要有清晰的 policy
一講到依度...
更沒有政策可言.
完全唔知各同事的合作及工作責任所在.
個個都可以話唔關自己事.
咁尐o野係咪唔駛做?
推卸責任像是這間公司的公司文化.

後記:  睇到依度...  不要問我!!!
         就連我自己都唔知點解自己會留o左o係度成年咁耐!!!

一日在小巴上,
聽到了一段這樣的對話…
媽媽:嗱, 你打過電話去, 靜係問候一下佢哋, 人家在這個時候, 安慰係好重要的。
兒子:我唔識喎。
媽媽:你淨係打去, 同佢哋講節哀順變, 叫佢哋睇開尐, 好簡單兩三句就是了。以前你細細個都打過嫁…
兒子:嗰陣幾時呀?
媽媽 :兩年到law~
兒子:咪係law~

我坐在小巴上奇想,
點解細細個會識, 大個咗就變咗唔識呢?
到底係唔識定唔想?
還是覺得有什麼不好意思, 怕羞了嗎?

話說回頭,
我們自娘胎以後,
天生出來的本能亦有不少是會慢慢失去的,
例如來自母體的抗體,
出世以後就會慢慢失去,
要靠自己重新學習.
又或者是游水的本領,
基本上每一個小BB也不怕游水的,
在水中是懂得閉氣爬爬的做出游水的動作,
奈何大家長大後不單要重新學習,
更甚有好些人更會有怕水的情況出現等等...

不過...
已小巴的對話當中...
我不覺得這是一個天生擁有,
後天會失去的本領.
反之覺得是那個小朋友覺得自己大了, 怕羞了.

這些類似情況當然有發生過在我身上,
發生的原因及經過亦已不重要.
問題是...  為何會這樣?
記得在小時候讀過了一篇課文,
內容是回述女兒的爸爸在她孩童的時候對她的教導.
不論事無大小也要訓練自己的女兒X練.
當然...  這種我一直支持的教育訓練已經在現今的社會已經慢慢消失.
父母不斷努力的為新生一代想辦法,
自幼稚園開始, 已不斷在家中為小孩製作勞作功課.
以免交出去的作品不好而令自己的孩子被其他同學取笑.

大一點的時候更不斷為孩子在外尋求努力高人,
為自己的孩子惡補其成績不佳的科目.
更甚者更依從政府的鼓勵,
努力不懈的終生學習,
不管是中英數科學歷史經濟,
全部都重學一次, 目的是充當深夜的家教,
希望孩子在學校功課的成績有一定的名次,
以免他日的選科升學的時候出現困難.

其實大家有沒有想過,
這其實會慢慢令孩子失去獨立學習的能力.
這樣做真的會令孩子好嗎?
還是大家本身心中已有答覆,
只是一直所想的和所做都是背道而馳呢?

有人能答我嗎???

在三月二日在紅館舉行的一個為沈殿霞（肥姐）舉行一個名為《肥姐我們永遠懷念您》的追思會。
入面出現了一句相信係一段唔應該o係追思會會出現的內容.
評語及感覺我不想多講.
大家自己睇完自己諗下.
不過更唔明的係...
點解台下竟然會拍手掌的~~~!!!???!!!
追思會內拍手掌.
同在靈堂內打 PSP或NDS 的人有乜分別???

相關連結
追思變追究　鄧光榮憑什麼公審鄭少秋
沒家教

在上半前正式重回學校,
做了一個半供讀的學生.
在第一個學期, 一星期兩天,
在四個月內一共是三科.
到最後分三天考試,
一天一科.

在這幾個月的上課,
基本的知識是知多了不少,
(但我好像不是要學所謂的 common knowledge.)
但深入一點的東西就變得十分困難.
其實是每科所包括的內容龐大.
雖然老師沒有要求記熟,
但就只是看到課本的厚度就已令你沒有點兒興趣打開...
亦由於內容太多, 令大量的內容變成不是今次修讀的重點.
以致飛書的情況經常出現.
在感覺上十分可怕.

在考試前少不了的當然是溫書.
說真的, 比較以前的讀書考試,
考試的範圍已算是十分計確.
範圍也不算太大.
(但以我而言是比對全職學生說.)

在一月會考的分別是 Shipping Econ, Logistic Management 和 Bussiness Law.
我自已看這三科,
在回顧在這三科自己在課堂的表現及吸收.
要三科全部合格, 看似沒有可能.
淨讀一科令其合格大致還可以的...

所以自己在這幾個月基本上是淨谷一科,
另外兩科都只是看了一點點...
如果說是最多時間的...
就只是臨考試的前兩日才全攻餘下的兩科.

在早前收到學校寄來的通知,
兩科合格, 一科不合格.
其中一科更得到 B Grade...
但...  竟是我覺得我不知答了什麼...
考試睇到問題就想死的 Econ...
而...  不合格的...  竟是我花了最多時間的 Managment...
點會咁的...
係我暫場失手???  還是要告訴我...

想考試合格高分...  就不要讀書了...???!!!???

一日在升降機內,
看到一個三、四歲的小孩子拿着一個布袋...
小孩:  爸爸, 點解今日要帶布袋的?
爸爸:  今日係惠康的無膠袋日麻.
小孩:  咁點解今日惠康冇膠袋的?
爸爸 (帶着一點不悅的語氣):  唔知 wu~~~
小孩聽後就低頭不語, 再沒有出聲.

這名父親今天可能工作已十分辛苦.
放工回家後知道今天還要到超級市場買東西,
加上該天超級市場沒有膠袋提供,
要自備購物用的布袋.
可能已經不便...
加上太太可能要準備燒菜,
沒空照顧兒子,
令兒子要陪同自己到超級市場,
更感不快...
加上升降機內人多擠迫,
令自己感受到十分焗束不息.
面對兒子的一個又一個的問題,
更覺煩躁.
故以一句 "唔知 wu" 去回應.
在父親這樣的角度來看, 又好像是十分合理的.

在小孩子來看,
平日跟着母親到超級市場買東西,
母親一般是一手提着銀包,
另一隻手是緊拖着我.
但為何今天本是拖着我的手...
變了一個布袋.
問了父親, 知道今次原來是超級市場沒有膠袋.
所以需要帶布袋裝東西,
但為何超級市場會沒有膠袋呢?
小孩子的求知的模式就是這樣.
一件事連另一件事,
就是有這種求知慾,
小孩子才能慢慢的學習, 成長...
但父親的回應, 就正正令小孩子的學習停止了.
爸爸不知道為何沒有膠袋...  不知道...  不知道...

短短的兩句對話,
可看出這位父親是怎樣教育自己的下一代.
環保的教育已暫且不談,
倒不如 想一下待孩子再大一點,
問有關性教育的問題時,
這位父親會如果回答...

這種問一句, 答一句,
再問一句, 已不想多講的溝通方式.
正正就是現今社會人人冷眼看世的源頭.
小朋友自小就慢愎接受了這種模式.
這樣的教導,
真的擔心這個小朋友的將來.
其實不止這一位小朋友的將來,
相信現今很多為人父母者也有很多時候是這樣回答自己的孩子.
真的希望各家長可以為了自已的下一代,
在面對孩子的問題,
自己的 EQ 可以高一點.
可給予多一點的耐性,
慢慢教導自己的小孩.
不要讓小孩想到不明不白,
自己亂想一通, 或就在朋輩或壞人中得了一個錯的答案.
到做錯了, 知錯了才後悔...
何苦呢???

o係澳門返來,
先知道今單有關明星的相片風波,
初初都覺得冇乜特別,
一尐都冇理到,
但想不到過了幾天,
件事好似越攪越大咁...

o係網上, 報章上, 電台都有不少的討論,
在我自己而言,
真的由一個一尐都冇興趣理的人到今日追o左個同事send 相比我...
咁...  算唔算係小事化大的香港文化之一呢?

相呢...  對唔住,
Beside 報紙睇到的,
同事 send 比我o個尐...
一張都未睇...
其實係冇興趣睇.

不過我咁諗...
主角係唔係真人,
咁又點呢???  唔比的咩??
早兩年已經一路有不少的情侶的自拍被人放上網.
唔好講相, 就連短片都有啦~~~
記得當年都好勁下的就有新加坡的Tammy.
好了, 過o左兩年了.
咁又點呢???  唔理唔理, 冇耐依尐o野就會冇人講的了.
反之大事對待, 結果就係令到多個 server 及討論 down 機.
何苦呢???

就算佢o地真係有影過,
咁又點呢???  過去式啦~~~
只不過大家都係多了一個八八地的,
八下社會一尐多一點點知名度的人的背後的o野姐.

不過想開覺魏對於近兩日的傳媒的反映...
有點感覺怪怪的...
數份報章用了不少的版面和內容去細述事情和相片.
當然加了不少指責的字句...
但...  一如以往...
我覺我他們根本不是在想查找事實,
反之大家動用了幾天幾份不同的報章,
令全香港上上下下的人都知道有這一件事,
直感有火上加電油之感.
不過事實上,
這一道傳媒們亦不知試過多少次了.

在成件至今仍未完結的風波裡,
一句...  無聊.

在今次去澳門,
其實和上一次和女朋友去澳門的行程差不多,
都係食, 食, 同食.
及後都係買少少O野食作為"手信"返來.
唔係的係今次女朋友和我一齊我要顧及的東西多O左.
話就話女朋友已經好返好多,
但點都係未好返.
行街要睇到實, 真係驚有人撞到佢.

另外就係... 
去到澳門, 上次係見一個小朋友,
今次係見到兩個...  覺得時間過得很快.
記得上次同佢去澳門的時間係同佢剛剛拍拖冇耐.
到依家計...  真係差不多三年...
(冇的...  加多幾個月就係的了.)
回看返依幾年...  真係唔知自己做過尐乜.
人工又唔見多到, 個腦又唔見大O左.
做事亦不覺成熟...  讀書又唔見有成績.
真係...  越想越灰......

講返澳門, 依幾年變化好大.
係不變的, 澳門人係好鐘意你用港幣比錢的.
係睇到有分別的,
你買O野係比港紙的,
你會見到佢O地係好開心的笑着對你的,
換轉你比萄幣呢...
睇到佢O地係冇乜反應比你的,
直頭係覺得突然變得木口木面尐的.
O個兩日O係澳門的對換率大約係100:115.
即係 HK$100 <=> MOD$115.
可能就係依個分別怪...

所以行過一尐大間少少的店舖門面寫.
HK$1 = MOD$1.
心想一句, 彩你都傻.

另外今次去澳門多了一件事,
就係好留意行經附近有冇 7-11 / OK 的便利店.
一方面同依家的公司有少少關係. (其實係八掛)
另一方面係想買一些飲料...
但...  在兩整天的澳門的旅途,
我只發現了一間的 7-11 及一間 OK....
這一點一些也不像近幾年香港的情況,
真的做到總有一間在您左近.
這一點十分不慣...
在街上想找東西飲,
突然不知道應該在那裡找.

在以前自己去的澳門,
澳門人給我的感覺總是十分有禮貌的.
當你有需要(例如問路)的時候總是會樂意幫忙,
亦會給我覺有禮讓, 守趺序的感覺.
但在今次在公車上的短短數十分鐘...
簡直令我突感置身於大陸的公車上,
什麼爭先恐後, 撞開人強行擠過...
心中燥到真的想和全公車上的人開拖...

和你左擠右擁的不止是中年或老年人,
就連一些年輕的女性亦會毫不客氣地擠過來...
禮讓程度簡直一流.

今次去澳門,
除了上去過的金沙之外,
其餘的賭場真的間間都入過去.
(不過最短的真係得十多分鐘.)
但就眼所見,
新手到生手的荷官比比旨是.
就連疊籌碼也看到有幾個是疊不穩的.
都不知是可笑還是可悲.

澳門是靠賭業和旅遊業支持的,
當中是以賭業先行,
近年內地經濟起飛,
勁令勁多的內地人到澳門豪賭.
對於澳門的就業和經濟發展是有好處的.
但一個個年輕人一個個的進入賭場工作.
加上澳門的賭風越來越普遍,
真的擔心澳門的新一代對金錢和社會的價值觀.
什麼也以靠賭先行的,
讀書學處世的一概送回學校的老師們.
會是多麼可悲的一個畫面.

我自己對澳門的教育和政策沒有一點的了解.
澳門是否真的有這樣的情況,
澳門政府有否想過相對的方針.
我真的一概不知.
希望澳門的新一代仍舊可以留有一點點的樸素民風.
令人們到澳門一遊並不是為了賭博,
是為了瀏覽澳門的地方色彩,
好好享受放鬆的假期.