數天前看到一個 blog 友在自己的 blog 上,

用了很多心機來做一個個的對比圖,

內容是他以原著的風之谷和多年前於香港電視播放的風之谷粵語版做比較.

比較出來是有很多於原著於有的對白, 於粵語版的配音時加插了.

(我相信這與當年黃霑先生有份參與的原因有關.) 

又或一些人物的名稱被更改了~  (比原來的好聽還是不好聽我不在此評論) 

於該文中有部份地方作者以 "orz" "全部都是吹牛的" "翻桌" "令人想去死" "崩潰" 等形容詞來形容作者看到時的感覺.

對我自己來講...  有冇咁誇張呀~~~

**  註  在這我沒有話反對的人的不是, 我只是以另一個角度看吧 ** 

我以一個熱愛原著的心態來看,

看到自己心愛看的動畫的配音(留意:  只是配音)被更改,

有些是"無中生有", 有點是"更改對白"...  云云,

但...  沒有變更故事劇情和結局wu~~~

當然...  我同意有點地方真係改得有點太過,

但我自己覺得作為一套配音的電影來說.  問題不太.

反之如果是熱愛原著的...

我比較建議看回日語對白的作品.  

(我自己都是比較愛聽日語對白的動畫)

而事實上不論是由誰人配音,

始終不會及上原音配聲的好.

那才會真真正正的感受到原汁原味. 

至於說是"史上最爛翻譯",

我覺得真的太誇張了,

難道大家真的沒有看過國內的朋友的中英對譯嗎???

不用太多例子, 就以電影的名稱翻譯已令大家頭痛不已.

說回風之谷的粵語版, 這不算是翻譯差,

是譯者於翻譯這套動畫的同時加插了不少本地化的內容,

目的不是要令這套風之谷變爛,

是要令觀眾更容易溶入這套動畫的劇情吧~!!!

而事實上以我兒時看的記憶來說,

我實在沒有太大"有問題"的感覺.

直到今日再看再重看...  雖看到"無敵大將軍"的字幕時,

都只是嘴角笑了一笑,

比起現今不少垃圾到不可再垃圾的翻譯來說,

這個我會以"本地化"方式來處理會合理一點.

如果用做爛o左套卡通...  我真係覺得對是次的參與係一種不公的講法,

點講都好啦~~~  都係o個句....  各花入各眼. 

話說依家用緊部 Nokia 6230i 已經好多年了,

其實話部機唔好...  又唔係, 佢又打得收得,

粒電又冇乜事...  都重有兩至三日備用...   算係唔錯.

但早幾年已經見不到不少新出的電話,

影相又靚好多...  Ram 又多好多....  (我部只有 128MB MMC...)

但問到想轉部乜機...

出到街睇部部都唔覺得靚仔...

(覺得靚的又好似天價咁....  ~6K 幾都有...)

(咁的價錢如果用來買電腦/notebook 已經好勁下的了...)

好耐之前已經見到 Apple 出的 iphone,

講真...  部機係覺得好靚的.

不過佢有好多功能都冇(或稱唔比做)

例如記下來的記事可發送比人, internet sharing,

抄入去的 mp3/音樂唔經 i-tune 出唔返來,

更唔可以經藍牙 send 比朋友...  冇 ram card 插...

i.e. 尐檔案都係有入冇出...

電郵只可以打文字...  冇附檔 (e.g. 用 iphone 影下來的相)

內置電....  即係用用下冇電...  只可以叉...  冇得換...

早期一定要o係 3 度出機...  3 收得有幾好...  唔講都知...

好似越講越多...

不過都有好多好處,

速度快!!!  (同 Windows Mobile Phone 比...  冇得比!!!) 

穩定性高!!!  (同 Windows Mobile Phone 比...  更冇得比!!!) 

軟件多, 遊戲多.  (好多好玩的遊戲又唔係貴wu~~~  US$1.00 一隻)

聽音樂一流!!!  (不過我未必會用...  重係驚聽完歌之後冇電講電話時我會爆粗!!!)

睇電影一流!!!  (這個不用我多講啦~~~~!!!)

就但於上述講的問題和我的需要...

iphone 一直都係買唔落手...

(買o左之後我部 netbook/notebook 點上網???)

而且...  佢又唔係平wu~~~

於上月 HTC 推出o左新的電話 - HTC Magic,

部機好似一次過有曬我想要的東西,

例如有 internet sharing, 有充足的電郵支援,

有大量軟件???  (依個未睇過...  唔知入面講的2k 幾隻有幾多隻有用...)

不過就冇o左 iphone 的一個大賣點...  mult-touch,

變相就好似冇咁好玩了~~~

另外就係今次唔係跟 3 上台, 係變o左 smartone,

和 iphone 的問題一樣, 佢又唔係平wu~~~

月費 $398 !!!  (但上網我依家用緊 people 都係 $110)

差距都幾大~~~  (但我又唔駛佢咁快wu~~~)

加上依家市面冇人有依部機....

好唔好真係要睇定尐先知.

講返市面未有...  iphone 昨日講o左有部新版本 iphone 3Gs,

OS 方面會增加o左好多以前冇的功能,

例如終於有 internet sharing (不過佢就話係經 3G, 如果張電話卡只有 GPRS 會唔會 share 到呢???)

有得電郵圖片 (不過唔知係咪同普通電郵一樣咁 send...)

今次更有 32GB 版本!!!  (真係放幾多歌都得了~~~)

不過一定的係...  係就是要去 3 上台出機,

一係就去 apple store 度買~~~

但...  要等到下個月(七月)先至有得賣.

即係要慢慢等.

最後一樣o野就係耐用度,

依家部電話放o係尾後的褲袋,

正所謂行到邊坐到邊....

真係坐o左咁多年部機都冇事,

但依家尐新機(特別係 touch screen)的收壓力有冇咁大呢~~~

諗諗下如果放返o係後袋...  分分鐘冇耐就比我 KO o左....  到時點算???!!!??? 

今日連女朋友和 Jorliman 放工去o左葵芳新都會百老匯睇,

於今次一口氣多了不少人物,

(今日的場地由地方的自然博物館去o左全國最大的博物館, 展品都多o左好多啦~~~)

不過就係多o左咁多展品,

令到每一個人物(生物)發展的地方唔多.

(有尐真係出一出場就冇, 好似好浪費)

主角的今次多o左個好熱情的女性做幫手,

明明就係一個好耐的歷史人物,

對愛情觀念真係前衛, 有你冇你, 開心就得了.

(不過我覺得佢的結局唔好, 如果有機會去麻自然博物館就唔同.)

另外就係每次都會有的壞人...

今次尐壞人...  令我有點失望.

冇個似越人的???!!!???  個個都好似係...

哼哼~~~  我係世界的王...  唔好和我作對...  但我好白痴.......唔好蝦我.....

在劇中好幾個 take 都係表現緊依樣o野...

大家o係度嘈一尐....  例如講o野口音唔正啦...  小朋友才會的...  你唔好行過界...

你過界我會打你的....  等等...

那當然, 作為 Class I 的戲...  要比小朋友睇的唔好可以拍得咁得人驚.

但我覺得尐壞人可以做得再壞尐.

請返角色, 我又真係好鐘意入面歌唱的幾個天使,

真係乜歌都唱得到, 初初重諗住佢o地幾個會一齊搬過去自然博物館tim~

另外一流的當然係騎松鼠的羅馬戰士, 佢跑去花園o個一段真係笑到死~~~

不過今次睇佢就o係套戲的戲份又真係少o左好多.

(原因上面都提及過, 角色咁多....  幾時到佢???)

總結來講依套戲係睇得過的,

而事實上我覺得係比第一集好睇的.

剛剛又諗到一個問題...

點解男主角要賣o左自己間大公司來保住尐展品呢~

佢唔可能自己自資一間博物館的咩?

Um...... 

以下本為我與朋友 Y 的網上對話,

但講完之後覺得應該留低,

當中有打錯字等等的東東亦一併留下,

為了個人保密, 係邊個緊係唔講啦~~~

唔知其他人對依篇報導又會點睇呢??? 

朋友 Y 說 (12:23):

http://hk.news.yahoo.com/article/090422/4/bt7v.html

有冇搞錯 =.=

詹米 說 (12:25):

妳講攪錯的原因係....?

朋友 Y 說 (12:26):

個老鼠lor

老婆

詹米 說 (12:26):

有乜問題.

佢講的O野係真O個wu

朋友 Y 說 (12:27):

心軟

詹米 說 (12:28):

?

朋友 Y 說 (12:28):

個女人心軟lor

所以女人要有經濟能力

詹米 說 (12:32):

我覺得唔關事.

妳要睇返O個一個屋企的家庭 state

睇報導...

兩個人都老了...一個60.

另一個都幾廿歲.

依家為乜都好啦~~~

朋友 Y 說 (12:33):

咁有一次~~ 即係會有第二之la. . 

詹米 說 (12:33):

是但一個去坐返幾年....

朋友 Y 說 (12:33):

咁咪成日嘈. . 

詹米 說 (12:33):

講真...

入去的有冇命出返來又唔知.

O係出面的有冇命等入面O個個出返來又唔知...

咁兩個人, 或者個屋企就真係就咁冇O左O個wu~

朋友 Y 說 (12:34):

悲哀

詹米 說 (12:34):

重有. 

錯的係個男人就一定的了.

出去叫X 依樣唔講.

打人就一定唔啱.

但係唔係就係咁要去兩公婆過唔到世呢~~~

真係要睇返佢O地的家庭報告的.

朋友 Y 說 (12:35):

你都好大諒喎

詹米 說 (12:36):

我覺得依一樣O野O係依度唔係講話大諒與否的問題。

係要諗下如果按正常的判決去處理係咪真係對依兩個都"係咁上下近"的人來係最好呢~

朋友 Y 說 (12:39):

咁可能係既. . 但係仲繼續一齊又會唔會係好事呢 ?

詹米 說 (12:40):

講真.  兩個人一齊行o左咁多年, 有話乜o野會話一刀切的?

至於兩個人會唔會繼續一齊, 就真係要睇下依個個人係咪緣盡了...

朋友 Y 說 (12:47):

乜你咁鬼理智既~~

詹米 說 (12:49):

唔係理智.  係由個老婆點解會O係個法庭咁同個官講的一個想法姐.

當然, 衰尐的諗法係可能個老婆驚佢老公過幾年後出來見到佢, 就話佢當年好報警拉佢, 之後就打多佢一身....  

依個機會唔係冇的.... 

我早幾個月前發夢見到有隻出世冇耐的狗狗走o左去我屋企門口, 點叫佢都唔走.

加上隻狗狗對我極度熱情(發尐咁的夢係想點呢???),

係咁樸, 係咁玩...  總之就勁 buy 你咁啦~~~

但屋企本身係唔養得狗(加上我自己對狗又...) 結果係唔知點樣就比o左樓下幾層的一個唔識的鄰居.

以上係早幾個月前的一個夢...

昨晚就唔知乜事發夢....

話爸爸突然話想養狗...

(註:  我屋企咁耐養過的...  係有金魚...  烏龜...  倉鼠等"小"動物)

話說我第一時間就想起幾個月前o個隻狗狗.

咁就同爸爸行o左落樓下...  重要記得係大約邊層...  想點呢???

咁一行到走廊就見到隻狗狗跑O左過來樸我.

熱情感覺度同第一次見的時候係一樣.

(那那那...  發夢的o野唔係問我點解....)

但最特別的係....  隻狗狗真係有大到的.

我要講的係...  記得第一次發夢的時候隻狗狗樸上來隻手係去到我條腰,

但昨晚見到隻狗狗樸上來係去到我膀頭!!!

頸上重多o左條紅色的狗帶...

有冇人話到比我知...

依兩個夢係乜意思呢~~~

咁有關連性的...  重要咁合理的...  (隻狗真係會大o個wu~~) 

自己其實一路都知...

自己的數學一路都係麻麻地...

不論是加減還是logist...  都係差到不得了.

(所以都唔知點解以前讀書我數學會 pass 的)

話說今日有同事突然問我一條數學題 ,

突然考起o左...  完全唔知自己想點...

一條好簡單的比例數...  完全唔會o個四個數字要點放...

馬上諗返近數月的係咪小兒科...  睇節目的題目基本上我也會喲,

但這條...  乜事呢???

結果....  就是一條小學的數學題...

我上網找網友解決...  網絡真偉大!!! 

記得農曆新年的時間於公司抽到部新的 24" Mon,

返到屋企就換o左個舊的 15" Mon 出來.

因為廳使用的電腦還是 CRT Mon,

所以就直頭用個 15" LCD Mon Replace o左佢.

但唔知係咁啱定係個舊 Mon 都係咁上下時間...

在數星期前就開始變樣...  即係 KO la~~~

變o左攪到要買過部新的.

初初係咁叫屋企買部 24" 的.

廢事第日想睇戲時覺得唔夠大...

誰知屋企人覺得24" 太大...  結果只買了一部 19" 的 LCD Mon.

有時想下想下...  其實...  當日換個 Mon 出去是否一個錯誤呢???