話說上年發生o左一單o係香港都街知巷聞的新聞,

話有一個女生在一家工作的地方被一個男生強姦,

同場另有兩個男生在場觀看,

其中一個更用了手機拍攝了整個首段的過程.

而這段短片及後更因不明的原因被放上 youtube 後才被曝光...

整個過程(由曝光到審判)差不多用了年多的時間,

(如果首被告不上訴的話就 close file, 如果佢上訴就重有排攪.)

過程中有媒體只作了首部份(事件曝光)時期的報導,

亦有媒體全程跟進了事情的發展.

已事實上好在到去最後仍有一間(至少)媒體有報導,

先可能滿足到我依尐無聊的求知慾.

第一篇o係報紙上講依一件事的是在 10-09-2008  的報章上,

其中一句的內文是"消息稱, 警方昨天已收到有關短片, 並已展開調查。"

即是說警方已於 09-09-2009 收到有關短片,

而警察會開始做o野...

在翌日 的報紙報導上, 就已出現"強姦片段警拘三人"的內容,

說明有關短片內的人仕(即那三個小朋友)已經拉o左.

於 13-09-2009  的報紙, 三個小朋友"涉案三人昨被押上法庭提堂，暫毋須答辯".

就係咁...  等等等...  等到 07-07-2009 , 吉野家一案開審.

由雙方作供...  你講下...  我講下...  一直去到 14-08-2009.

裁定首被告強姦罪名成立, 其餘兩名被告則裁定協助及教唆強姦、妨礙司法公正兩項罪名不成立,

當場釋放.

先唔講三個小朋友到底有冇做錯,

但淨係睇由事發-> 捉人 -> 提堂 -> 完結.

差不多足足一年.

唔計首被告, 就淨計算次被告和三被告.

就係咁坐o左差不多一年監,

但最後係一句不成立, 當場釋放的結局.

在這一年內...  不是被告們的問題.

是香港的法院提堂要排期...  法官要放假...

可能係控辯雙方說有新證據...  要申請多尐時間處理云云.

總之一句....   delay o左差不多一年的時間先完成處理.

當然, 比起其他案件, 打"官司"打一年半載實等閒事,

有尐民事的打幾年, 打到打事實變到打身家的都有.

由一個原是審理事件真偽的地方,

變了一個大家鬥長命, 鬥錢多的地方.

諗到依度就真係心都淡.

再講, 如果到去最後女生自發講返出來:  其實佢係願意的/法庭判三個都無罪,

那依一年真係坐得幾淒慘.

講返單o野~~~

本身睇頭一兩單新聞的報導我都有諗過個女仔係咪真係比人侵犯,

去到最尾的報導總結.

我只可以講...  今次如果唔係有佢兩個"好朋友"幫佢怕o左段咁的片,

之後唔知邊個"好朋友"的朋友把段o野放上網大家睇...

就算個女仔一年半載後話比首被告強姦,

我諗警察和法庭個做法和判法都好唔同.

由報導所轉載辯方的內容,

指事主本身與首被告的關係已不算普通朋友的關係.

而被告與首被告於事發前的一段時間亦有不少的身體接觸.

於事發時事主所指的"唔好"到底是和首被告講,

還是想和"次被告及三被告"講?  這一點我有保留.

但在此我亦不得不提出的是每個女性對被侵犯時的反抗大細,

反應或反抗細的不代表事主願意該次性交.

加上香港法例第200章, 第117條對性罪行及相關的罪行的釋義,

"未經同意下進行的肛交，猥褻侵犯，企圖犯任何該等罪行"就會視為強姦. 

故此, 事主於片內的一句"唔好",

基本上首被告已經冇得辯護的了.

但我上文講過的如果冇人放依段短片的話,

三人的結局就會好唔同的原因係.

1.  就如之前講的, 女事主講的"唔好"係對首被告講, 還是拍攝者講的呢?

     如果係首被告的就當然係強姦啦~

     但如果係對拍攝者的呢???  咁就唔係強姦wu~

     即女事主原是願意和首被告發生行為,

     但由於有第三者在場或第三者作出令事主不安的舉動而叫"唔好"

     那就有很大的分別了.

2.  如這段短片沒有攪到街知巷聞的話,

     女事主會唔會報警稱被人強姦?

     我先要講明我唔係話如果女事主冇比人問,

     佢會唔會因為怕比人話自己"隨便" "濫交" 等原因而唔去報警.

     我係想講:  以依家o個女仔的家庭背景, 發生過一件妳同一個男生做愛的短片上o左網.

     全世界都睇過...  依家警察叫麻父母來問妳...  段片妳好似係比人"強", 又唔多似...

     妳到底係自願定係乜呢?

     面對住依個問題...  我想問有冇人會話: "係呀~  我係自願的, 不過我又唔係願意比人咁拍短片law"

     我諗...  又真係唔會有人咁講wu~~~  講真..  如果咁講得出的...  佢真係重有排上頭條 A1 了...

當然上面的都係我的假設,

在案中的三個小朋友(其實個女仔都係)明顯都係做錯o野.

簡單o個句...  玩還玩...

依次明顯係玩大曬...  重要玩得太大~~~!!!

重要拍麻片???!!!???  重要四圍派(你咪同我講你淨係 send o左比一個老死)

我唔會信的~~~  正所謂老死有佢的老死, 佢的老死有佢的老老死.

去到唔知邊度就會有人四圍派, 到時大家邊度都唔駛去.

另在此亦提醒各女生,

如果真的唔願意的, 記得要堅決和認真講"唔好",

男性動物...  去到某個位的時候,

那有理智可言?  妳笑言說"唔好", "唔要"依尐的半曖昧的語言,

分分鐘攪到對方對錯號, 表錯情...

受傷害的永遠都係自己.

重有的都係o個句(廣告都有話)

要記得講唔好, 之後重要講比妳信任的人知.

唔好自己怕比人笑, 比人話而唔出聲.

如果唔係的話行兇o個個會以為妳好蝦,

下次再來的話咁妳點算???!!!???

後記:  打完依篇真係諗過如果發出去會唔會比人圍...炸 blog...  公相...  公審.

 但話說回頭我真的希望大家看完之後o係個腦/心入面都有反省.

 不論是對現今的道德觀和現今青少年的道德問題.

 真的要好好處理一下, 現在青少年濫交, 隨便, 相信已經沒有人會為此觀點提出反對.

 不管現在的情況有多嚴重, 但事實上如不及早處理及根治.

 我相信以上的個案不會只有一家吉野家發生(我個人認為這只是冰山的一角)

 如大家不想日後的子女有以上的下場, 就在今天好好的教育一下大家的下一代吧~!!!  

以下本來係o係 plurk 打的回覆,

點知打打下越打越多...

不如就o係度 post 多次當 ark post la~~

http://www.plurk.com/m/p/1dnrcv 

有時真係唔明.... 點解依家咁多人講緊要思想開放, 諗o野要向多方面睇, 但睇睇下好似去O左另一邊咁的???

人係生的, 法律係死的. 人係要向多方角度開始去觀看事物, 係啱的.

依個亦係社會進步的其中一環.

但有尐o野係底線就係底線, 唔得就唔好以要"新角度", "新思維" 去測試突破.

不是說這是危險, 而是禁止!!! 唔得就係唔得. 唔可以話社會變革就會變成接納.

簡單一個例子: 依家唔比十八歲以下的小朋友買煙, 原因係乜??? 係因為十八歲以下食煙就會死快尐??? 政府唔想尐後生仔咁快死??? 所以唔比???

點解係要十八歲呢??? 十六歲都可以結婚啦~~~ 點解要結婚兩年後先比買煙呢? (注意: 係買, 唔係食, 你鐘意的, 六七歲已經可以去食煙.)

我相信依家十八歲以下食煙的人, 出到街找十個人, 總有四五個依尐後生仔, 點解冇人出來好好咁炳政府, 要尐後生仔食煙要找朋友幫手買... 一係就要去報紙鋪, 唔可以去7仔(因為7仔成日要睇身分證)買, 攪到冇得換印花!!!???!!!

我諗要買煙的人和需求點都會多過買寫真吧~~~

但依十年我又唔覺有人咁做wu~~~ 反之話要爭取性行為的合法年齡要降低(原因好似話係因為話現時的法例已無法配合現時青少年的身體需要, 但依度冇講心理上是否有需要)

再唔係近來講後生女如果清楚知道自己要行一條乜的路, 知道自己做緊乜的, 做乜都冇乜所謂(包括依家好"潮"講緊的援交)...

我自己完全無辦法接受依一個論點.

講的唔係十幾歲我所定為心智未成熟的小朋友(青少年),

而係一尐在社會經過一點歷練的成年人,

有點更是所謂的專業人仕... 

倒轉諗我會覺得我讀書真係太少...

因為我真係唔知佢o地到底讀書讀多o左比我多o左尐乜...

會令到我唔明佢o地講緊尐乜???!!!???

如果以咁的諗法諗落去...

不知會到幾時...  大家都會認同殺人只係一個沒什麼大不了的問題.

因為殺的和被殺的都有各個的理由和原因.

殺人的只要清清楚楚, 了了解解,

講出佢殺人的原因,

係因為佢心理和身理上有需要,

佢如果唔係咁做佢就會有不安, 受壓, 不快等情況,

就為解決以上等等的問題, 就要進行佢認為最有效的解決辦法.

咁被害人呢???  都有解釋的理由的,

簡單一點就係...  依個係佢的命運,

命運點選o左佢就係為o左比樓上的仁兄解決o個位仁兄o個次(可能佢一次唔夠, 要好多次先得的.)的需要,

佢先會生存到o個時, 如果o個時佢冇被 KO, 佢之後的生活都係白過的..云云...

講到人權???  到時係邊個大聲, 邊一邊多人認同就係啦~~~

不認同的就會話咁做係侵犯o左被害人的生存權利,

認同的就會話被害人的生存權利已早設定於被殺為完結,

被害人只是自己不知道.....

以上的情況會唔會發生,

當然唔會啦~~~  (如果大家仍是以原有的人類道德倫理出發的話...)

但依家大家一路都o係度做緊第二樣o野,

就係開始嘗試推翻舊有的倫理觀念,

以所謂的新時代, 新世代, 需有新想法, 新觀點來出發,

不斷以"我們需要改變, 社會現已不斷進步"為名,

開始不斷以明顯或暗暗的對舊有的觀念慢慢拆除.

如以者我不認為殺人合法化這個情況不會發生. 

而事實上世界上已有部份地方亦以不同的口號為名,

以排除其他人為目的而去發動不少的殺人行動,

例子我相信亦不用我說...

都唔知係乜鬼道理!!! 

在開首先發表聲明, 本篇不是隨感隨發, 是問題篇.

是想找知道答案的朋友回答我.

問題是: 公屋的屋邨管理員的工作範圍是什麼?

為何...

1.  看到有人在屋邨亂拋垃圾而沒有理會.

2.  於屋心邨範圍看到有人吸煙而沒有制止.

3.  冷氣機滴水為何多年仍沒有理會.

4.  屋宇每日大量非該住客出出入入而沒有理會.  那坐定定在大門口幹麼?

5.  看到頑童隨意摘下樹技以作劍術較量而沒有制止.

6.  於行人路上踏單車而沒有理會.

7.  行人隨地吐痰而沒有理會.

8.  在旁隨讓母親給孩童於路邊小便.

如以上的情況皆不是屋邨管理員的工作,

那請問公屋的屋邨管理員的工作是什麼???