今日係公司都係做尐雜雜碎的東東,

放工之後就直接返屋企.

(一係因為冇街去,

 二係近來公司真係好多人病,

 咁啱今早自己又好似喉嚨痛...  都係早尐返屋企安全)

返到屋企就係咁追睇古靈精探 B,

一口氣追睇o左十幾集.

睇到唔知幾點...  總之就睇到好累先訓覺啦~~~

今早本打算早起身,

點知起身的時候已經十一點幾...

之後食o左少少o野~

見重有尐累~~~  再訓~~

一訓到就到三點幾...

(其實係因為太熱...  熱醒o左~~~)

晚上就出o左去和女朋友行o左一陣旺角.

先去o左金魚街睇金魚.

(可以真係太熱...  尐魚睇落真係唔多得!)

之後就去o左吉野家度食o野.

(旺角貿易處鈄對面開o左間新的吉野家, 不過地方唔多乾淨)

之後就去o左旺角行o左一陣街,

再去o左八福食烏冬.  (好飽!!!)

尾站就去o左睇公仔.

因為之前分別睇 blog 和女朋友都話有新的吉吉款推出.

今晚就和佢去睇下.

如果話以單之計...

今次都算係一次過買得最多的一次.

唔同大小的一共買了五隻.

真係用來影全家福都夠~~~

今晚係迪士尼比普通 Annual Pass 入去玩的最後一日.
之後如果要去就要星期一至星期四的日子.
同時係迪士尼萬聖節開放的第一日.
所以放工就和女朋友去玩了一晚.

為了配合有關晚上的安排,
日間時間就不斷加快工作進度.
希望可以唔駛OT 準時收工.

但同時發現一份上個月的會議記錄不翼而飛...
netbook 沒有備份...
依家都未知點算....
明天返到公司同呀頭匯報....  唉...

另早上收到家母來電,
稱於房中某處找回我的閃光燈,
故於 lunch 返o左屋企取回.
趕到不得了.  (當然有些少代價啦~~~)

今晚迪迪尼... 真係好多人...
(有好多重係學生, 一班人着住校服...  幾十個一圍)
(有時諗, 點解依家尐學生咁多錢出街玩的???)

三個主題的鬼屋,
當然係全場重點啦~~~
所以....   我係唔去的.
(你o地就開開心心去玩鬼屋, 我就開開心心去玩其他.)
依個就係策略了.

更強的就係一口氣連玩了兩次史迪仔,
但今次真係上得山多終遇虎,
睇人被史迪仔玩得多,
今次比史迪仔點相玩o左輪...
真係...  比"佢"激死.

要提的係迪士尼今年的煙花係和平日的沒有分別.
(聽講上年鬼節的煙花係有唔同的.)
唔知係未 ready 定今年唔會轉呢???
唔緊要啦~~~  反正我應該都唔會o係依段時間反睇的了.

另外可以講的係花車(鬼車)表演,
因為今次係o係街頭睇,
所以唔駛等好耐就睇曬所有的鬼車.
我個人覺得的係...  尐車一尐都唔靚...
真係幾鬼下...
另外尐鬼...  係咁行麻來對住你"嘩嘩嘩~~~  "
真係有打鬼的衝動!!!

唯一好睇的係見到 chip and dale 都出o左來扮鬼o個一 part.
但佢兩隻o野都企得好遠...  又唔知點解行得好快...
結果係...  影唔到靚相...

精品店...  多o左好多鬼節的精品.
但今次一樣都冇買到.
(係兩個人都冇買到 wu~~~  係咪好勁呢~~~
 唔駛洗咁多錢~~~  Yeah!!!
 不過一個主要的原因係...  尐o野係唔靚的)

呀~~~!!!
有樣要提的,
原來迪士尼線如果地鐵係想的.
佢係可以開兩部列車一齊行的.
唔駛等一部車去完一邊落曬客先返來的.
但唔知點解以前成日o係個站度明明好多人.
佢都係開一部 law~~~
唔知佢o地係用尐乜數據來決定開一部車定兩部車的呢???

P.S.  有個問題一路都好想問,
        有冇迪士尼的工程人員或其他知情人仕,
        我其實係想知巴斯光年的分數到底係點計的呢???
        我發現我去玩次次都唔同分的.
        但我目視打中的數量都係差不多...
        雖然大部份時間都已經係 Lv 6 or 7 (其實高過左邊o個個就得的啦~~~)
        但有時分數差好遠的,
        同時有時明明係4千幾....  轉個頭就飛o左去4萬幾.
        係咪有尐位打中係唔同分的呢???

P.S.2 To Happy,
         妳本史迪仔 notebook 我買o左了 (希望冇買錯啦~~~)
         明天見到妳的時候提我取,
         唔係我帶返屋企就...