有時真係唔明尐老闆,

總係鐘意o係臨收工或臨夠鐘食飯的時候叫你入房同佢傾計...

放工冇人約都重話...

中午食飯...  明明自己話放得一個鐘頭比尐員工食飯,

到講到明遲到會扣錢...  你就唔好攪住人食飯的時間啦~~~

唔係的...  12:55 叫你入去...  講講講講講...  講到差不多一點半先比返你出來...

得返o個半個鐘...  行去叮飯又要等5分鐘...

坐得返低已經 13:41......42...  我當我食個飯10mins....

食完都 52分...  得返8mins 休息...  點攪呀...

如果o個日冇帶飯到死!!!

一點半出返來...  出去食又唔係...  叫飯又唔知去到兩點鐘尐飯未到的話都唔知點算...

唔食又會餓死...  ...  最衰的, 

就係你自己可以攪到兩點零鐘就話出去食飯...

真係灰. 

另外今日有個國內同事電腦自己攪到有問題,

好心幫佢 remote control 攪返好,

之後叫佢一句提佢自己之後小心尐用...云云.

點知就覆o左我一句: 鬱悶，未見過甘小氣噶男人.

突然以為自己同緊個"港女"傾計...

定係依尐係某尐普遍的女性病來的呢??? 

完全唔知想點... 

今日星期日...

都話係一到星期六日都係落雨...

完全唔知想點...

今日下午就入o左天水圍找女朋友,

同佢去o左元朗食飯.

話說今日去o左行百老匯,

打算同個sales 吹下水, 講下部 HTC Magic,

點知我淨係問佢第一句:  依部機...  有乜特別的.

佢的回覆竟然係...:  依部機同 iphone 一樣(一樣???) 冇得用藍牙send files 的, 你諗清楚wu~

我突然都O 曬~~~  一時分唔到佢係好心話我知依個事實,

還是佢倒緊公司米~~~

真係 O 曬嘴. 

今日全個上午都忙到停唔到手...

真係做到傻o左...

去到點幾兩點先走...

真係好鬼累...

夜晚就去o左上水食飯,

食之前又去o左行百老匯等電器鋪,

同女朋友o係度諗...  到底買邊一支閃光燈好...

由食飯前講到食飯...

由食完飯又去睇...........  諗...

結果係由於女朋友覺得 Canon 580Ex II 的外型太大.

覺得 430EX II 好睇尐,

所以就買o左一支430, 又洗o左二千幾蚊.

希望之後影相可以自由度大尐啦~~~ 

是日於公司忙到爆!!!

完全唔知做過乜來~~

冇o野好講. 

今日...  可以話係黑過乜的一日.

早上坐巴士的時候睇到一個好唔鍚狗的哥仔o係度放狗,

睇的時間唔多....  係巴士停站的幾分鐘.

但看到狗主依個哥仔係...  唔理隻狗想做乜的.

想坐低...  拉返起佢...  (但佢唔係打算行o個wu~)

狗仔想行...  唔得, 唔放繩.  拉緊狗帶,

狗仔真係想行, 大力尐!!!

拉到隻狗仔的前面兩隻腳都飛起麻...

睇到都心痛!!!

返到公司....  在中途和同事o係我個位到講緊o野...

隻腳又唔小心踢到個開關掣-> 強行關機!!!

頂!!!  又係咁....

不過今次之後就找o左件木板頂住個機面.

應該之後唔會再係咁怪...

(不過咁做就睇唔到部機有冇開...  HDD 燈...  同冇o左兩個 USB)

最頭痛的係今日有條大粒佬唔知傻邊度.

我覺得係有心開始想做個大炕出來比我...

完全唔知佢想點...  想我死???  定係為o左個人開心呢~~~

唉~~~  攪攪陣....  麻煩!!! 

只好日後自己做o野小心尐啦~~~

放工之後就落o左荃灣,

買o左對新波鞋...  又五舊....  唉~~~ 

今早本已遲o左出門口,

本來...  都冇事的.

(因為部巴士夠快!!!)

點知臨落車時就突然落大雨,

最慘係今日冇帶傘...

明知係過雲雨....  唔等得, 唔行得就係唔得.

冇計....  就係咁遲o左5mins....

我成日覺得,

返工就係為出糧,

做o野就係做o野...  唔係求氣的.

就係唔明點解係有尐同事係好似好鐘意攪攪陣咁的.

想點先???  你不如話我知你想死的, 我諗個辦法幫幫你.

但唔好咁攪我啦~~~  好冇.

放工之後就去o左葵芳做功課,

今個月....  睇來都係做到 PK 的了... 

今早和同事開會,

一如以往...  大家都係遲大到先來...

其實要準時一點點的...  係咪真係咁難的呢???

大家遲開會... 結果就係遲開完會...  為乜呢???

話說回頭大老闆每過一段時間都會問我有關同事的工作表現,

一般我都會回答正面的.

今日有個同事下午又走過來同我講一大堆o野,

內容不外乎說同事對工作的態度不認真...  經常出錯云云.

但回想問題的根本...  我是愛莫能助...

但點解會同我講的呢?  佢係想同我講完之後有o野係幫到佢.

還是淨係打算同我講完就算???

原定今個星期每一晚都係閉關做功課的,

但今晚女朋友就出o左來,

同佢去o左酒樓食o左餐好的.

(遲尐 post 相)

之後先返屋企.

i.e.  明晚一晚要起兩份功課...  點死!!! 

今日返工放工...

做到七點幾, 之後就留o左o係公司做功課.

(本想唔去 starbucks 做就唔駛買咖啡)

點知去到八點幾幾走人的時候結果都係去o左 starbucks 坐...

點會咁的呢???