本身自己都知如果要o係 Windows Mobile 睇返尐正常的網頁,

最好的就是用 Opera 的 mobile 版.

(我以前是用 netfront 的)

但不知是我的 PDA 已經太舊...

還是個人的問題, 用 opera 看網頁總是覺得不順...

不是覺得顯示出來的字太大(已經設定了 "small"),

就是覺得版面變了形...

結果大部份時間仍是用回了 pocket ie...  真的....  shit!!!

今早分別比一個呀頭, 一個老闆捉o左去傾計...

淨係傾計已經攪到冇曬尐時間.

講的內容當然係要出返來的時間做o野啦~~~

結果係冇時間+更冇時間...

有時覺得搵多兩個人返來都攪唔掂尐一路堆積返來的o野...

放工臨時加插o左和女朋友去睇超鼠特工.

o係葵芳百老匯睇...  細院...  但都要 $85 一位,

重要冇得平...  (其實真係好貴下...)

由 1945 睇到 21xx.

時間唔係好長...  -> 結果套戲唔多夠時間好好交代所有細節.

但套戲都好睇的.  不過個人覺得係唔需要去戲院睇.

可能等出 VCD/DVD 之後先睇.

原因分兩部份, 外圍因素和本身因素.

外圍因素:

不知是否為了環保及節省資源, 所用的 3D 眼鏡是用完回收再用的.

這本身不是一個太大的問題, 但重點是不少的 3D 眼鏡的鏡面已經花曬...

我與女朋友換了七八個先換到個不算是太花, 但有指模的 3D 眼鏡.

第二是戲院本身...  o係細院睇...  太細了.

令 3D 的部份不突出, 沒有太大的立體效果.

本身因素:

不知是否戲院的硬件問題有關,

但我個人覺得此片的立體效果不多.

(至少比冰河世紀少很多, 更不用以迪迪尼的米奇音樂劇來比較了)

第二係故事要表達的前前後後應該有很多細節,

但於戲中沒有仔細交代好.

再加上於結尾要把寵物店的所有小動物都帶到總部的原因更是無法想像...

更不用說最後壞鼠的從良轉變...(簡直轉軚速度神速...  完全唔合理...)

變成套的感覺不太好.

如果話想看一下"超鼠"的可愛做型,

這套卡通是可以一看的.

但我覺得絕對沒有需要到戲院睇.

在家用一部 17" > 的 mon 睇就夠了.

用不着給 $85 到戲院睇...   太貴...  真係唔抵!!!

回家前走o左去百佳...

見到可口可樂特價 - $34.9 18罐,

平均 $2.2 一罐, 抵到死~~~!!!

大家可以由此諗一諗,

平時o係超市或便利店買一罐要 $5-7...

但原來佢以 $2.2 一罐都有錢賺的.

可以諗下佢的成本到底幾多錢...

平時賺o左你o地幾多錢了... 

今早一起就比人叫醒o左,

落o左去葵芳紅樹林食早餐,

so far 去o個度食早餐又 ok wu~

先係o個度唔多人, 夠多位, 夠靜.

o野食又唔係差, 都好食的.

更重要的係價錢夠平...  食個魚柳餐都係 $22.

(大快活都要咁的價錢啦~~~)

如果下次早起身的話可以再去食下.

今早o係公司忙到訓o係度...

多o野做到傻...  差不多到一點先叫做鬆尐...

下午又一堆唔等洗的o野要攪...

都唔知尐會議記錄幾時得閒攪...

放工之後就落o左深水埗行o左一陣.

本想係o係去星期五會展前睇下依家腦場尐價.

點知發現好多地方都貼o左..."會場價, 全場至平!!!"

或 "會展會場價, 免入場費"...云云...

咁寫...  係咁即係話:  如果想買平o野...  i.e. 外置 2.5" HDD...

依家早兩日o係深水埗買, 同過兩日去灣仔會展買 -> 價錢完全一樣??? 

咁就唔駛等去會展啦~~~???    係咪咁的意思呢???

唉~~~

另今日去o左黃金間 7-11 打算換 ezone 本影相書...

點知佢話要等到星期五先有貨...  又要等...

咁攪一攪攪o左兩個幾星期...  真係驚我冇機會換到...

灰...

晚上走o左去黃金對面間 M 記食o野+上網.

坐到十點先走...

(o係o個間 M 記用 wifi 上網...  佢會o係 FON 和 PCCW 兩邊 switch...

 即係兩個訊號都係麻麻...  又多人用...  睇 youtube 都要 load 一大輪... 唉)

P.S.  Gmail : You are currently using 7289 MB (99%) of your 7360 MB

點算??? 

是日沒有什麼大事,

要提的又是 msn 的問題.

又一次沒有斷線通知的情況下收不到訊息.

MSN 到底要到何時才會好好處理一下,

或要到何時大家才會捨棄 MSN 呢??? 

今日大老闆放大假,

會計呀頭請病假.

公司好似突然鬆o左好多...

(但唔多似係好事...)

對我來講重係黑到爆的一日.

一日之內收到國內同事"唔小心"KO o左幾張單要做修復...

好啦~~~　做做做...

點知去到五點幾佢發個訊息同我講:  sorry, 頭先你攪o左o個尐我又唔小心....XXYXZZZ

真係唔知起火好...  定係o拿刀好...!!!

(但個同事係o係塘夏wu~~~  點打到佢呢?)

放工之後o係葵芳食麻o野先返屋企,

依家明顯晚餐少去o左小雨天好多...

事關間o野尐o野食...  真係差o左好多...

今日去o左游水.

可能依期都好累~~~

游完之後累到不得了.

今晚都係早尐訓好... 

今早返工...

唔知做過尐乜.

放工之後就去O左天水圍做o左影相佬...

熱到冇命~

真係慘過上次去海洋公園.

對自己來講...  悶...

不過當係 job 做的就冇乜o野的.

依幾日唔知乜事...

真係好想找尐O野去買~~~

(大前題我係冇錢的)

完全唔知想點... 

今日大老闆, 會計呀頭上o左大陸,

自己個呀頭又好似完全唔得閒理我.

自己一個對住部電腦係咁改o野...

未算~~~!!!

由今早十點報告系統有問題,

但去到三點幾系統o個邊話條蟲 Fix o左,

(其實可唔可以做好先比出來...  係咁有咁多蟲比我做乜呢?

 雖然我都明大家都好忙...  唉)

攪到到有四份 basic form, 連變化 form 7份要重做...

平時一份攪一攪一個鐘都唔少得,

依家又冇時間比你做,

時間又急...  真係人都炆!!! 

開心的係 Lunch Happy  過o左來同我食飯(麵).

但佢原來完全唔知創記 係o係邊...  食乜...

咁真係要叫佢o係葵芳食多幾次飯先得了.

夜晚返到屋企先記得屋企冇返飯,

諗都冇諗過就叫o左 KFC 外賣...

依期...  係咪真係食得太多呢??? 

今日重點網站推介

Elle Queen of The Web 競選活動  

咪話唔勇,

今日明明知道落雨的機率係八成九,

但都決定唔帶傘, 打算食o個十成一的唔落下或細雨的機會.

(大前提係我今日係相機加NC10 的組合, 萬一濕水...  哼哼)

點知以我多年雨傘和我作對的紀錄,

我唔帶佢出街就一定落雨...  中曬~~~

不過好在又唔係大~~~  死不了~

依期成日o係辦公室都唔知做尐乜好,

唔係冇o野做, 就係太多o野做,

都唔知點開始着手好, 開始o左的又唔想攪住.

問你死未~~~!!!

(同場加映...  我好似重有好多份記錄未打好...)

放工走o左去女朋友屋企幫去換燈泡...

講開尐燈泡又真係幾好朋友o個wu~~~

成屋一燒就三個一齊燒, 換都可以一齊換.

唔駛今日換一個, 過幾個星期又要換一個.

^_^

係回程返屋企時聽 mp3 太舒服,

訓到差尐去o左總站,

我要求九巴報站要報到帶o左 mp3 的都要知道呀~~~!!!