昨晚明顯訓得唔好+唔夠訓.

今日累到死下死下.

中午直頭訓o左半個 lunch~~~

加多杯咖啡都完全冇用~~~

攪到四點幾點都要找尐其他o野做下---->  食雜果冰,

如果唔係就一定訓得着...

放工之後就o係葵芳 A-1 食完o野就返屋企訓~~~

ZZZZZZZzzzzz.........

P.S.  話說今日有高層同我講話我個電郵範本太花巧,

叫我執執佢...  (我都諗o左好耐...  到底有乜咁花呢?

就算係花...  都用o左兩年幾...  依家先話有問題???

算~~~  以後就用空白範本 law~~~ 

今早落車時買o左個美心排包,

本打算返到公司食的.

點知都未行到公司樓下,

IT 個呀頭就打o左個電話來,

話知o左公司個 network down o左,

叫我返去 check 下.

初初都以為係個唔知乜鬼防火牆 hang 機.

返去 reset 就得,

點知返到去先知道原來唔係o個回事...

估計係有公司電腦中毒(都唔知點解裝曬 anti-virus 都會中毒...

 都唔知係個 program cheap 定係用的人勁!!!)

令到佢係咁發 package 令到尐 switch 頂唔順;

另一個就係唔知邊度的 switch 死o左又死唔曬...

就係咁...  我由九點返到公司,

去到差不多六點放工.

就係咁係咁同個 network 玩遊戲...

自己要做的o野...  乜都唔駛做.

"玩完遊戲"之後就去o左百佳(依家叫 "taste")買o左尐o野食返屋企煮來食(但今餐係女朋友煮).

最簡單的魚蛋, 魚肉, 燒賣, 娃娃菜加烏冬.

食完就睇電視...  睇完就訓覺.

不過唔知點解,

以前放o係廳o個個 21" 電視,

我係可以坐o係廳尾睇都覺得 ok,

但依家我早前換o左部 24" LCD Mon,

依家就要坐到好前先睇得到...

係個 Mon 有問題?  定係我老花好嚴重呢??? 

今早係兩個大粒的放完大假返來.

好在都唔係太多o野要我一o野交代返出來.

係中間有尐驚險o野~~~

同時我發現我開始成日唔記得我尐 file 放o左o係電腦的邊一度...

就算連 Google Desktop 都 search 唔到.

真係可能要再諗辦法~

放工之後就走o左去銅鑼灣交學費,

之後就同o左 Jorliman 去o左銅鑼灣和灣仔行o左一陣陣...

(都唔係一陣...  行到冇o野行的了...)

尾程係走o左去坐叮叮去o左北角接女朋友放學.

聽講佢依一科好深...  (我睇到尐 note 有尐直頭係 CE A-Math 的o野.)

(比個數學白痴來講...  真係唔知佢點讀.) 

今日明明想o係公司好好用曬尐時間做好多o野...

點知做得的...  少到不得了...

放工之後就落o左去深水埗睇o野,

另外就幫個同事買手指.

依家個個都唔駛用 CD/DVD, 一隻手指攪掂曬~~~

時代唔同了~~~

返到屋企就睇到學校寄o左封信來.

(信紙明明寫住係 18-08-2009, 但郵印係 24-08-2009)

(中間咁多日真係唔知封o野去o左邊....)

話我之後 take o個個 course FULL PASS o左,

十月可以開課, 但就要 28-08-2009 之後比錢~~~

總學費 HK$79200, 首期先交 $9900.

真係要去打劫先搵到咁多錢交了... 

今日o係公司(一個大老闆和呀頭都唔o係公司),

全日係咁攪尐垃垃雜雜的東西.

包括用 Remote Desktop 接返屋企部機,

和系統的人講系統的問題.

同時用 Teamviewer 連接國內的同事, 教佢o地用電腦.

再用 UltraVNC Viewer 連接公司的 server, 做系統測試.

所以我成日諗...  我自己返工似做 IT 多過似做 admin 的o野...

另外放工之後就飛o左去葵興幫女朋友借書,

(間間圖書館有的都比人借o左...  所以好緊急!!!)

借完之後就去o左屋企樓下商場食飯.

諗返開...  我都好似好耐冇帶過飯返工食...

不過依期天氣咁... 熱....  帶返去又好似有尐危險.

(我成日唔記得放入雪櫃)

都係遲尐先la~~~ 

今早訓到十一點先起身,

之後就去o左游水.

本來去到泳池的時候係比地下的熱力熱到好似煎蛋咁...

池水係暖的~~~  十分舒服.

但過了個多小時之後,

開始發現天越來越黑,

之後還起了冷風.

慢慢就連覺得一上水就會覺得凍...

(其實只是由二時多到三點半的變化...)

(後記是游完水去食o野時發現有點點毛毛雨...)

晚上因為是日是父親生日,

一家人到了商場食飯.

晚上就回家訓覺,

明天又要返工...  諗到就唔開心... 

今早開會...

十點半開到一點半.

重要開會前發現部 NC10 發傻...

突然不斷自己彈出一個 Explorer "參數錯誤"的圖示...

試過系統還原都唔得.

不知道發生什麼問題...

大概要重裝一次了...

放工之後就入o左天水圍陪女朋友.

下午的節目是玩大富翁. (今次係我贏!!!)

^_^

P.S.  今日成巧把 Google Chrome 升級到 4.0.202.0,

同時把三部常用的電腦的 bookmark 同步.

不過不知道升級會否影響 Google Chrome 的穩定性...

另外就是看了"竊聽風雲", 簡單一句, 唔好睇.  好悶...

要講的只有一個信息 - 不論你之前做了多久好人, 一下子做錯就是做錯, 沒有辦法回頭.

更不要想用一個大話去解決一個大話.  結果只有泥足深陷. 

今日o係公司多o野做...  

多到乜地步???  就係多到連自己都唔知做過尐乜!!!

六點放工之後就去o左灣仔會展,

$20 入場去睇今年的電腦通訊節.

如果話今年書展唔係賣書,

那今年的電腦通訊節就更和"通訊"更沒有關係.

因為主力和副力都好像和"通訊"沒有什麼關係.

(當然去的人心態上亦和"通訊"沒有關係)

參展的大大大部都係是賣電腦產品,

更有的是有即場砌機...  但誰會特意去會展砌電腦返屋企?

傻的咩....

另外有的係賣相機...  鏡頭...  玩具...  還有其他很多...

但重點是...  價錢沒有和外面電腦中心的差太多 -> 說實在的就是和市價是一樣的.

只有部份是因為賣貨底貨而特價銷售...

結論是...  不用為買平東西而特意過海, 再給 $20 入去

我行就行o左幾個鐘...

結果買了 $40 50隻的 DVD-R,

$50 神奇清潔膠 (抽獎抽到二獎, 有部車仔送)

$2XX 的 rmvb player 連 $1XX 的 HDMI Switcher.

另外就是在 ezone 的 counter 換了兩套書,

一套當然是早前想換的影相書啦!~~~~!!! 

結果是行本是想買外置 HDD 的目的沒有達到.

只有等多幾個月等佢再跌下價啦~~~!!!