今朝起身可能因為昨日訓o左一日的關係.
成個人硬曬~~~
由早上硬到晚上...
好唔舒服.....

加上於上個月因為公司寫字樓工程,
機本上全部的冷機都搬過位,
唔知係咪有咁的關係...
總係覺得今個夏天比以往的熱o左好多...
但之前叫過冷氣師傅上來睇過又話冇事.
但今日就真係熱到冇命...
一尐都唔似係o係寫字樓入面.
睇來真係要諗下好唔好叫個師傅上來再睇睇...
不過覺得佢未必 check 到尐乜o野出來.....

放工之後就入o左天水圍,
極少有的o係女朋友屋企和佢屋企人食飯.
食完飯和佢睇完黃子華之後就返屋企.

如果唔係 Google Calendar 提一提,

真係唔記得原來又過o左一年了.

唔講咁多, 介紹五個 blog.

1. 陳大文部落

唔會話依個 blog 一定啱大家睇. (小朋友好多時都唔多啱睇)

不過入面對社會問題的題出及所搵返來的資料十分齊全.

值得去睇下的.

2.    大口環總理★傻婆★

依個 blog 我睇o左都好多年下,

由佢一開始不斷寫自己唔開心...  好慘,

到依家成日 show off 係咁 post 尐開心相出來.

可以做一個實証比大家知, 身邊的朋友鼓勵和支持係有幾咁重要.

3.  診所趣談【日誌】

 早前女朋友介紹的, 我只了兩篇就迷上了.

 現每日都會去看看新的 post 才開始新的一天.

 至於有多吸引?  自己去睇下啦~~~!!!

4.  KOMI

 睇第2個的幸福小女人唔夠?

 睇麻依個就覺得點會有人咁幸福的, 睇完就會知咩叫做妒忌, 哈哈.

5.  萬花筒皇國-部落格

 想知咩叫做機不離手, Ram 卡殺手.

 Blog 主影得最多的係...   相,

 儲得最多的係...  草稿,

 要睇返佢近半年的生活點滴...  就要比尐耐性了. 

今早自已訓到十點幾幾先起身,

之後又睇o左套欄片 - 戰狼 .

有時唔好話港產片唔好睇,

西片就好睇.

其實西片會覺得好睇其中一個原因係唔好睇的西片唔會過到海,

就算過到的都唔會比人力推.

所以推得的都差極有個限度.

中午就叫o左個KFC 外賣返屋企食.

本來上網落單的, 點知佢o地又伺服器錯誤.

打電話落單, 又問我要唔要餐具,

覆佢話唔駛要餐具, 只要紙巾,

點知送到來就乜都冇...  都唔知想點.

去到兩點幾之後又訓...

訓到九點幾幾......

起身飲尐水....  又訓......

ZZZZZZZZzzz..............

相關連結

戰狼 Beowulf . 

今早一起身就飛返工...  因為等 lift 又遲到一分鐘.

今早唔知係咪天氣太熱...

寫字樓特別熱(平時已經好熱),

同事又唔知關唔關事...  幾個都着o左短褲+拖鞋返工...

重要比老闆睇到...  依次都唔知點收科...

放工之後就飛返屋企取相機,

同女朋友去o左海洋公園影相.

今日同場帶o左部借返來的單鏡機去.

唔知係咪唔識用+部機有尐問題...

對焦勁慢...  攪到有尐冇引...

晚上就落o左旺角食飯...

中間係發生o左尐尐插曲...  

是鬼但啦~~~  呼~~~

P.S.  今日下午因為有少少時間,

走o左去機鋪行o左一圈,

先發現原來頭文字 D 已經出到去第5版.  (後記係比人話:  乜呀...  好耐之前已經出o左啦~~~)

但我想問...  第4版同第5版...  有尐乜分別的???