今日多...  真係多...

多o野到做...  自己都唔知做過乜...

一直去到五點幾就收工先知自己原來已經做到五點幾...

大致重點的...

前日早o左電話公司來再搬多次電話線...

另一邊會退租的單位終叫做執好曬...  可以等管理處的人來收返個單位...

其他....    .......  

放工之後就飛o左去銅鑼灣交功課,

本想去影下相的...  但...  好累~~~

勁眼訓...  

結果就決定買少少o野食返屋企食,

食完之後就大覺訓~~~ 

今日真係訓o左o係度...

係做到訓o左o係度...

loading 開始感覺已然發白了.

遲尐問你點算???

8份功課... 去到今日...

重有一份... account...

前提有冇人話比我知...  account 到底係乜???

完全唔識...

結果找 Happy 救命~~~

得佢出手相救~

攪到佢今日放工冇得玩~~~  攪到差不多三點鐘.

呼~~~  有理冇你~~~  明天放工交o左先算~ 

今日返工...  

做o野做o野和做o野...

1830 打o左咭之後就留o左o係公司做功課.

攪到十點半先走...

一口氣做好o左兩份.

明天重有 Account....

唉~~ 

以下本來係o係 plurk 打的回覆,

點知打打下越打越多...

不如就o係度 post 多次當 ark post la~~

http://www.plurk.com/m/p/1dnrcv 

有時真係唔明.... 點解依家咁多人講緊要思想開放, 諗o野要向多方面睇, 但睇睇下好似去O左另一邊咁的???

人係生的, 法律係死的. 人係要向多方角度開始去觀看事物, 係啱的.

依個亦係社會進步的其中一環.

但有尐o野係底線就係底線, 唔得就唔好以要"新角度", "新思維" 去測試突破.

不是說這是危險, 而是禁止!!! 唔得就係唔得. 唔可以話社會變革就會變成接納.

簡單一個例子: 依家唔比十八歲以下的小朋友買煙, 原因係乜??? 係因為十八歲以下食煙就會死快尐??? 政府唔想尐後生仔咁快死??? 所以唔比???

點解係要十八歲呢??? 十六歲都可以結婚啦~~~ 點解要結婚兩年後先比買煙呢? (注意: 係買, 唔係食, 你鐘意的, 六七歲已經可以去食煙.)

我相信依家十八歲以下食煙的人, 出到街找十個人, 總有四五個依尐後生仔, 點解冇人出來好好咁炳政府, 要尐後生仔食煙要找朋友幫手買... 一係就要去報紙鋪, 唔可以去7仔(因為7仔成日要睇身分證)買, 攪到冇得換印花!!!???!!!

我諗要買煙的人和需求點都會多過買寫真吧~~~

但依十年我又唔覺有人咁做wu~~~ 反之話要爭取性行為的合法年齡要降低(原因好似話係因為話現時的法例已無法配合現時青少年的身體需要, 但依度冇講心理上是否有需要)

再唔係近來講後生女如果清楚知道自己要行一條乜的路, 知道自己做緊乜的, 做乜都冇乜所謂(包括依家好"潮"講緊的援交)...

我自己完全無辦法接受依一個論點.

講的唔係十幾歲我所定為心智未成熟的小朋友(青少年),

而係一尐在社會經過一點歷練的成年人,

有點更是所謂的專業人仕... 

倒轉諗我會覺得我讀書真係太少...

因為我真係唔知佢o地到底讀書讀多o左比我多o左尐乜...

會令到我唔明佢o地講緊尐乜???!!!???

如果以咁的諗法諗落去...

不知會到幾時...  大家都會認同殺人只係一個沒什麼大不了的問題.

因為殺的和被殺的都有各個的理由和原因.

殺人的只要清清楚楚, 了了解解,

講出佢殺人的原因,

係因為佢心理和身理上有需要,

佢如果唔係咁做佢就會有不安, 受壓, 不快等情況,

就為解決以上等等的問題, 就要進行佢認為最有效的解決辦法.

咁被害人呢???  都有解釋的理由的,

簡單一點就係...  依個係佢的命運,

命運點選o左佢就係為o左比樓上的仁兄解決o個位仁兄o個次(可能佢一次唔夠, 要好多次先得的.)的需要,

佢先會生存到o個時, 如果o個時佢冇被 KO, 佢之後的生活都係白過的..云云...

講到人權???  到時係邊個大聲, 邊一邊多人認同就係啦~~~

不認同的就會話咁做係侵犯o左被害人的生存權利,

認同的就會話被害人的生存權利已早設定於被殺為完結,

被害人只是自己不知道.....

以上的情況會唔會發生,

當然唔會啦~~~  (如果大家仍是以原有的人類道德倫理出發的話...)

但依家大家一路都o係度做緊第二樣o野,

就係開始嘗試推翻舊有的倫理觀念,

以所謂的新時代, 新世代, 需有新想法, 新觀點來出發,

不斷以"我們需要改變, 社會現已不斷進步"為名,

開始不斷以明顯或暗暗的對舊有的觀念慢慢拆除.

如以者我不認為殺人合法化這個情況不會發生. 

而事實上世界上已有部份地方亦以不同的口號為名,

以排除其他人為目的而去發動不少的殺人行動,

例子我相信亦不用我說...

都唔知係乜鬼道理!!! 

今日本來話返公司 lunch 做功課,

點知個 lunch 就比o左神魔變,

問你點算???

做o野就冇乜特別,

都係做做做和做.

放工之後就去o左沙田,

同一班親戚食飯,

之後就返屋企...  累~~~ 

今日返工...

唔知自己做過尐乜來...

真係好似...  冇做過o野咁...

(會唔會係因為大老闆放假呢~~~  但又應該唔會...)

放工之後就返屋企,

本來話係做功課的,

但真係太累...  明天 lunch 時做啦~  唉~

P.S.  今日走o左去買o左本八月份的 Elle,

咪話...  一本雜誌 HK$40 ...  以前可能覺得唔貴,

依家真係覺得都好貴下,

目的就其實係想睇二百幾頁中間的三頁,

 原因是有是次雜誌有朋友上鏡,

咁...  點都要支持的, right???!!!??? 

相關連結

Queen of the Web