Sun特搜:網上扮食神隨時惹官非
作者:新聞報導員 日期:09-10-2009 09:31
台灣一名大學生早前在網上留言,批評一家食肆食物分量少味道差後,遭食肆以損毀聲名為由控告誹謗,事件引發廣泛討論。在本港,不少網民經常撰寫食評,並放到網上公諸同好,言詞不乏挑剔、刻薄兼抵死的批評,部分更屬惡意中傷或無中生有。法律界人士警告這樣做不但會招惹官非,更可能因而入獄,網民不要以為人人可以做食神,小心禍從口出。
由於網民在網上並無表露真實身份,又以為無需負上法律責任,發表食評時都毫不留情。記者到網站瀏覽,已找到多個狠批食物質素的食評,「金沙蝦仁沒有黃金的感覺」,「啲金沙骨勁硬勁乾,仲有陣豬味」,「上海粗炒啲菜炒到老晒,炒三絲無咩味,得味精味。」經常到各大飲食資訊網站發表食評的網友稱,通常在光顧後,覺得食物好味就讚揚,難食就批評,希望食肆能夠改善。
台生發表食評一身蟻
網上發表食評,由於會直接影響食肆的生意,發表者可能會被索償。台灣一名大學生就因為在網上發表食評而被餐廳控告誹謗,面臨賠償。餐廳聲稱生意一落千丈,指摘該男生文章與事實不符,當地檢察官正就食評是否構成誹謗展開調查。
大律師陸偉雄表示,網友發表食評必須是親身經歷,並有事實證明,他說:「你去過某間食肆覺得啲嘢好難食,職員服務態度差,只要係你當日嘅經歷,講得出食過啲乜嘢同時間地點,呢啲自身感受唔會構成誹謗。」至於將菜式搞錯,例如誤將牛肉當作豬肉,這種錯誤訊息的食評亦不屬誹謗,「無心之失,係無事嘅。」
但陸偉雄強調,如果網友撰寫的食評是「生安白造」,則可被指為誹謗,食肆可以循民事索償,他說:「你無去過間餐廳,但周圍話佢啲嘢唔好食,叫人唔好幫襯,或者你喺附近開餐廳,為咗打擊對方嘅生意而亂寫食評,就容易被人告。」
法律界人士梁永鏗稱,網友無中生有亂寫食評,亦構成誹謗,他說:「你話啲炒飯凍冰冰,但間餐廳根本無炒飯供應,咁一定要賠錢。」網友除被民事索償外,更觸犯刑事罪行的「有犯罪或不誠實意圖使用電腦」,罪成要坐監。
韜韜:唔識食咪亂寫
經營酒家被譽為食神的梁文滔(韜韜)說:「依家網絡發達,好多人都喺網上發表食評,自稱食家,但有啲人根本唔識得食,有啲食評話我哋賣客家菜,其實我哋係賣圍村菜,招牌都寫到明,但啲網友就亂咁寫,我哋作為生意人,以和為貴,惟有得啖笑囉!」網友要做食神,韜韜建議先要掌握飲食的基本知識,才有資格作出批評。
光顧食肆前都會參考網上食評的理工大學應用社會科學系講師馮一冲博士稱,網上有公平發言的機會,言論無人可以修改,所以很多網民都在網上暢所欲言,自我滿足,但由於網民撰寫食評有不同準則,例如有人着重環境,有人喜歡食物質素,所以同一間食肆的食評或有兩極化,參考食評人士應有判斷力。
原文引自
太陽報
好好好好...
作者:悟樂 日期:08-10-2009 23:59
玩水? 游水?
作者:悟樂 日期:08-10-2009 20:10
頭先收工和一個同事一齊行,
原先是傾一點點關於天氣... 水溫的問題,
之後就講到游水...
Jimmy: 咁你上次係去o左游水定玩水呀?
同事C: 游水, 我帶曬水泡的.
Jimmy: 帶水泡就係游水的了?
同事C: 唔係, 去海中間度的~~~
(我正奇怪中.... 再問.)
Jimmy: o係海中間? 去海中間就係游水的了? 咁點樣係玩水呀?
同事C: o係海邊咪就係玩水law~~~
Jimmy: 咁泳池中間呢?
同事C: 游水
Jimmy: 泳池邊呢?
同事C: 游水...Um... 係, 游水.
(更大不解...)
Jimmy: 即係o係泳池中間, 則邊和海中間落去的都係游水, 獨獨係o係海邊落水的就係玩水?
同事C: 係呀~~~
Jimmy: 咁~ 去長龍水上樂園的, o係個池中間, 係游水定玩水呢?
同事C: 邊有咁計的? 都唔同性質...
依個同事真係得意~~~
公司電郵... 死o左
作者:悟樂 日期:07-10-2009 23:59
去台灣Book 酒店
作者:悟樂 日期:06-10-2009 23:59
重要早o左出門口.
去到葵芳重有時間多,
就去了 M 記買了個早餐回公司食.
一早返到公司就比個清潔呀姐嘈...
內容大致係話依家用緊的垃圾袋太細...
有時都想問... 係咪我對人太好呢?
依家好似個個都搵我咁的???
中午知會了呀頭將於月底放假,
(本來是想生日正日左右去的... 那知十一月一號要返學...)
放工就出了旺角找資料和 Book 位.
Book 的時候先知原來間間旅行社的價錢差會好大的.
而且同一日的航機, 有旅行社會話 Full o左,
有旅行社會話未 full...
同一間酒店的價錢亦有差別...
總之... 原來都好煩下的.
晚上去了明將食完壽司就返屋企,
一口氣睇完餘下的電腦線圈.
覺得... 個 ending 有尐假...
加上可能係中文翻譯唔係咁好...
有好多地方唔明白... 不過.... 我唔會翻睇!
即係... 睇緊的會睇落去... 但未開始睇的... 個人建議... 唔駛睇.
P.S. 在銀行中心等緊o個時,
彎彎本來話上來睇下,
點知人都未見冇耐就打電話話夠鐘走人.
佢真係夠得意~~~
發假病假紙 瑪嘉烈醫生遭警告
作者:新聞報導員 日期:06-10-2009 09:03
公立醫院發生罕有醫生發出虛假病假紙事件。瑪嘉烈醫院一名資深醫生多次向家人發出虛假病假紙,疑因家人所屬公司發現病假紙有問題,向該院查詢後揭發事件。院方已進行內部處分,向該醫生發出警告,並將個案轉介香港醫務委員會跟進。有醫委會成員表示,發出虛假病假紙可能被停牌一個月至一年不等。 記者:陳沛冰
據悉,瑪嘉烈醫院一名資深醫生今年 2月多次向他一名親兄弟發出虛假病假紙,該病人「沒有」求診,其後疑因他工作的公司發現病假紙有問題而向院方查詢,經調查後揭發事件。醫管局已向該醫生作內部處分,發出警告,但沒有將他解僱,該醫生休假了一段長時間。醫管局決定將個案轉交醫委會跟進。
「冇人咁蠢咁做」
瑪嘉烈醫院回覆本報查詢時證實,該院已完成有關個案的內部調查,並根據醫管局既定的人事程序守則處分該員工。院方會將個案轉交醫委會跟進。
有資深公立醫院醫生表示,醫管局過往很少將局內違規事件轉交醫委會跟進,今次主動轉介個案,顯示該局認為事態嚴重,醫生屬專業失當。以往鮮有聽聞公立醫院有醫生濫發病假紙,「代價太大,冇人咁蠢咁做」。有醫生接受查詢時對事件感嘩然,指公院有關病人病歷、登記及入院等程序及時間已電腦化,「所有嘢有紀錄,根本呃唔到人」。病假紙一般是電腦列印,但亦可手寫;即使手寫亦很易翻查。
有醫委會成員表示,病假紙是具法律效力文件,醫生濫發病假紙嚴重影響誠信及違反專業操守,一般會被判停牌一個月至一年不等,視乎個案嚴重性。若病人沒有求診而醫生又收受利益賣假紙,判刑較重。一般情況下,醫管局會待醫委會的判決才作進一步跟進,如解僱或要求醫生辭職。
病人互助組織聯盟主席張德喜表示,醫生向家人發虛假病假紙涉嫌以權謀私,贊成交予醫委會跟進。
原文引自
蘋果日報

