聽 Jorliman 講今期 ezone 加 $20,

會有本教影相的書, 佢話我會啱睇.

放工走去買 ezone, 比個老闆 upsell 買o左本特別版.

由本時 $14 -> $28....  但其實多出來本o野係冇o野睇的.  有被騙的感覺.

公司有好多小 "project",

當中包括公司檔案的保密問題.

其實分兩個層次,

一個係保安的安全問題, 另一個係個人問題.

前者重未諗到辦法攪...  後者好似係....  冇得攪.

暫時 hold 起先~~~

今日公司個 msn 發傻~

原來全日好多人 call 過我.

但我公司o個個完全收唔到.

攪到去下午四點幾先覺唔對路.

接返返屋企睇到先知....  有冇辦法令所有人放棄 msn, 轉用 gtalk 或 skype 呢???!!!???

今晚o係屋企把電腦的 HDD 由 320GB -> 1TB.

過程順利, 但高頻聲仍有...

待有空嘗試更換火牛... 但我冇時間...  點算??? 

今日收到老闆電郵的一封信,

話想o係九月叫全公司一齊去玩 Geocaching,

睇完完全諗唔到有尐乜方法可以比公司幾廿人一齊去玩依尐遊戲???

都唔知點覆佢好...

放工之後就去o左旺角捐血,

入去見護士佢叫我簽多一份捐多8ml 的血比中大做化驗,

對話如下:

姑娘:  o拿, 簽麻依份o野佢, 係捐多8ml 的血比中大做化驗豬流感抗體的化驗來的.

Jimmy:  哦~???  會唔會驗到有的...???  咁到時點算?

姑娘:  乜你成日同尐豬一齊訓的咩?

Jimmy:  唔係, 不過日日返工都對住好多豬姐.

姑娘:  係?  咁係豬兜定係豬扒呀~???

Jimmy:  後者冇咁快死, 前者依家先大獲... 個個都好似傻下傻下咁...

姑娘:  哦???  乜咁多???  乜你係o係動物園做的?

>>真係比佢笑死~~

今次走去捐血竟然有把風扇仔送,

啱曬~~~  早前女朋友先話要買一把出街用,

依家唔駛買~~~

捐完之後o係旺角行多o左一陣先返屋企.

開始可以諗下開新書睇了~~~ 

是原上個月的部門例會我請o左假冇返,

今日再加上行政呀頭有時外出冇來開會,

今早由十點半開到一點九就開完了~

真係冇乜幾可咁快開完~~~

真係輕鬆了不少...

(但唔知點解好地地明天加插o左個會law~~~)

放工原定係想去捐血,

執房...  點知女朋友一個電話就入o左去同佢屋企人食飯...

攪到乜都做唔成...  唉~~ 

今日原定的行程係再到海洋公園影相,

但由於天氣過熱+過度眼訓,

結果改o左去游水.

中午o係屋企叫o左個 KFC 外賣,

食完之後就出去找女朋友.

點知去游水前又同佢食o左餐 KFC 下午茶.

(今日乜日子呀???)

游水其實游o左唔係好耐,

不過個人就散曬~~~

要游多尐了...  呼~~~

晚上就去o左元朗食日本o野,

o係門口等半過鐘.

食就九個字到....

其實咁的食o野模式抵唔抵的呢??? 

昨晚(晨)睇到三點幾都未睇得曬套神魔變,

結果緊係攪到今日累到傻o左啦~~~

今早開會勁想訓~~~

一諗到下星期一重有一個再大尐的...  唉~

放工之後入o左去天水圍,

本來話陪佢執佢尐相(唔係我o個尐呀)

結果進度麻麻,

反之發現我原來係唔多識用 picasa 的,

原來一路我都係用 paint shop pro 多的...

唔知有冇邊度有網教學呢???

返到屋企因為下午睇o左咁多相的影響,

終於把個幾月冇入過機的相入返去電腦.

但要等執得到...   post 得....

真係唔知要等幾耐了~~~

P.S.  今日用多o左個幾鐘終於睇曬成套的神魔變了,

講真...  看後感係...  覺得有點龍頭蛇尾,

後半部份的內容覺得遠遠不及前半部份的精彩,

原因不明...  而結局....   以我自己來講... 我唔多鐘意~

不過如果淨係睇頭o個部份的我覺得 ok 的.

不論係生動感還是看到會內心微笑,

還是會開懷大笑(我幾次係笑到好大聲, 好似個傻佬咁...)

係睇得過的~ 

話說今日要提一提的,

就係早上收到一個幾得意的短訊.

"今天12點34分56秒是一個神奇時刻，它顯示為12:34:56 07/08/09

123456789在我們有生之年再也不會出現，請把這一神奇的時刻告訴你最在乎的人!"

就係咁...  我由 12:30 - 12:35 依5分鐘明顯係冇乜點做過o野,

明顯就係開o左天文台個網頁來睇,

點知就邊邊唔知乜事,

睇就係咁睇...  冇 cap 到個畫面law~~~

不過唔緊要啦~~~

放工之後就馬上返屋企,

本預計今晚係睇得曬本神魔變的.

點知睇到三點幾都重有百幾頁...

冇辦法~~~  明天先~~~ 

今日我唔會記我o係公司做過尐乜來的!!!

哼哼~~~~

放工就入o左一入去女朋友屋企教佢用個 Picasa.

(事後發現原來我都唔係好識用...)

在幾程巴士上繼續煲我的神魔變.

加油!!!