今早一起就比人叫醒o左,

落o左去葵芳紅樹林食早餐,

so far 去o個度食早餐又 ok wu~

先係o個度唔多人, 夠多位, 夠靜.

o野食又唔係差, 都好食的.

更重要的係價錢夠平...  食個魚柳餐都係 $22.

(大快活都要咁的價錢啦~~~)

如果下次早起身的話可以再去食下.

今早o係公司忙到訓o係度...

多o野做到傻...  差不多到一點先叫做鬆尐...

下午又一堆唔等洗的o野要攪...

都唔知尐會議記錄幾時得閒攪...

放工之後就落o左深水埗行o左一陣.

本想係o係去星期五會展前睇下依家腦場尐價.

點知發現好多地方都貼o左..."會場價, 全場至平!!!"

或 "會展會場價, 免入場費"...云云...

咁寫...  係咁即係話:  如果想買平o野...  i.e. 外置 2.5" HDD...

依家早兩日o係深水埗買, 同過兩日去灣仔會展買 -> 價錢完全一樣??? 

咁就唔駛等去會展啦~~~???    係咪咁的意思呢???

唉~~~

另今日去o左黃金間 7-11 打算換 ezone 本影相書...

點知佢話要等到星期五先有貨...  又要等...

咁攪一攪攪o左兩個幾星期...  真係驚我冇機會換到...

灰...

晚上走o左去黃金對面間 M 記食o野+上網.

坐到十點先走...

(o係o個間 M 記用 wifi 上網...  佢會o係 FON 和 PCCW 兩邊 switch...

 即係兩個訊號都係麻麻...  又多人用...  睇 youtube 都要 load 一大輪... 唉)

P.S.  Gmail : You are currently using 7289 MB (99%) of your 7360 MB

點算??? 

張檯放到咁...  點做o野呢??? 

是日沒有什麼大事,

要提的又是 msn 的問題.

又一次沒有斷線通知的情況下收不到訊息.

MSN 到底要到何時才會好好處理一下,

或要到何時大家才會捨棄 MSN 呢??? 

話說上年發生o左一單o係香港都街知巷聞的新聞,

話有一個女生在一家工作的地方被一個男生強姦,

同場另有兩個男生在場觀看,

其中一個更用了手機拍攝了整個首段的過程.

而這段短片及後更因不明的原因被放上 youtube 後才被曝光...

整個過程(由曝光到審判)差不多用了年多的時間,

(如果首被告不上訴的話就 close file, 如果佢上訴就重有排攪.)

過程中有媒體只作了首部份(事件曝光)時期的報導,

亦有媒體全程跟進了事情的發展.

已事實上好在到去最後仍有一間(至少)媒體有報導,

先可能滿足到我依尐無聊的求知慾.

第一篇o係報紙上講依一件事的是在 10-09-2008  的報章上,

其中一句的內文是"消息稱, 警方昨天已收到有關短片, 並已展開調查。"

即是說警方已於 09-09-2009 收到有關短片,

而警察會開始做o野...

在翌日 的報紙報導上, 就已出現"強姦片段警拘三人"的內容,

說明有關短片內的人仕(即那三個小朋友)已經拉o左.

於 13-09-2009  的報紙, 三個小朋友"涉案三人昨被押上法庭提堂，暫毋須答辯".

就係咁...  等等等...  等到 07-07-2009 , 吉野家一案開審.

由雙方作供...  你講下...  我講下...  一直去到 14-08-2009.

裁定首被告強姦罪名成立, 其餘兩名被告則裁定協助及教唆強姦、妨礙司法公正兩項罪名不成立,

當場釋放.

先唔講三個小朋友到底有冇做錯,

但淨係睇由事發-> 捉人 -> 提堂 -> 完結.

差不多足足一年.

唔計首被告, 就淨計算次被告和三被告.

就係咁坐o左差不多一年監,

但最後係一句不成立, 當場釋放的結局.

在這一年內...  不是被告們的問題.

是香港的法院提堂要排期...  法官要放假...

可能係控辯雙方說有新證據...  要申請多尐時間處理云云.

總之一句....   delay o左差不多一年的時間先完成處理.

當然, 比起其他案件, 打"官司"打一年半載實等閒事,

有尐民事的打幾年, 打到打事實變到打身家的都有.

由一個原是審理事件真偽的地方,

變了一個大家鬥長命, 鬥錢多的地方.

諗到依度就真係心都淡.

再講, 如果到去最後女生自發講返出來:  其實佢係願意的/法庭判三個都無罪,

那依一年真係坐得幾淒慘.

講返單o野~~~

本身睇頭一兩單新聞的報導我都有諗過個女仔係咪真係比人侵犯,

去到最尾的報導總結.

我只可以講...  今次如果唔係有佢兩個"好朋友"幫佢怕o左段咁的片,

之後唔知邊個"好朋友"的朋友把段o野放上網大家睇...

就算個女仔一年半載後話比首被告強姦,

我諗警察和法庭個做法和判法都好唔同.

由報導所轉載辯方的內容,

指事主本身與首被告的關係已不算普通朋友的關係.

而被告與首被告於事發前的一段時間亦有不少的身體接觸.

於事發時事主所指的"唔好"到底是和首被告講,

還是想和"次被告及三被告"講?  這一點我有保留.

但在此我亦不得不提出的是每個女性對被侵犯時的反抗大細,

反應或反抗細的不代表事主願意該次性交.

加上香港法例第200章, 第117條對性罪行及相關的罪行的釋義,

"未經同意下進行的肛交，猥褻侵犯，企圖犯任何該等罪行"就會視為強姦. 

故此, 事主於片內的一句"唔好",

基本上首被告已經冇得辯護的了.

但我上文講過的如果冇人放依段短片的話,

三人的結局就會好唔同的原因係.

1.  就如之前講的, 女事主講的"唔好"係對首被告講, 還是拍攝者講的呢?

     如果係首被告的就當然係強姦啦~

     但如果係對拍攝者的呢???  咁就唔係強姦wu~

     即女事主原是願意和首被告發生行為,

     但由於有第三者在場或第三者作出令事主不安的舉動而叫"唔好"

     那就有很大的分別了.

2.  如這段短片沒有攪到街知巷聞的話,

     女事主會唔會報警稱被人強姦?

     我先要講明我唔係話如果女事主冇比人問,

     佢會唔會因為怕比人話自己"隨便" "濫交" 等原因而唔去報警.

     我係想講:  以依家o個女仔的家庭背景, 發生過一件妳同一個男生做愛的短片上o左網.

     全世界都睇過...  依家警察叫麻父母來問妳...  段片妳好似係比人"強", 又唔多似...

     妳到底係自願定係乜呢?

     面對住依個問題...  我想問有冇人會話: "係呀~  我係自願的, 不過我又唔係願意比人咁拍短片law"

     我諗...  又真係唔會有人咁講wu~~~  講真..  如果咁講得出的...  佢真係重有排上頭條 A1 了...

當然上面的都係我的假設,

在案中的三個小朋友(其實個女仔都係)明顯都係做錯o野.

簡單o個句...  玩還玩...

依次明顯係玩大曬...  重要玩得太大~~~!!!

重要拍麻片???!!!???  重要四圍派(你咪同我講你淨係 send o左比一個老死)

我唔會信的~~~  正所謂老死有佢的老死, 佢的老死有佢的老老死.

去到唔知邊度就會有人四圍派, 到時大家邊度都唔駛去.

另在此亦提醒各女生,

如果真的唔願意的, 記得要堅決和認真講"唔好",

男性動物...  去到某個位的時候,

那有理智可言?  妳笑言說"唔好", "唔要"依尐的半曖昧的語言,

分分鐘攪到對方對錯號, 表錯情...

受傷害的永遠都係自己.

重有的都係o個句(廣告都有話)

要記得講唔好, 之後重要講比妳信任的人知.

唔好自己怕比人笑, 比人話而唔出聲.

如果唔係的話行兇o個個會以為妳好蝦,

下次再來的話咁妳點算???!!!???

後記:  打完依篇真係諗過如果發出去會唔會比人圍...炸 blog...  公相...  公審.

 但話說回頭我真的希望大家看完之後o係個腦/心入面都有反省.

 不論是對現今的道德觀和現今青少年的道德問題.

 真的要好好處理一下, 現在青少年濫交, 隨便, 相信已經沒有人會為此觀點提出反對.

 不管現在的情況有多嚴重, 但事實上如不及早處理及根治.

 我相信以上的個案不會只有一家吉野家發生(我個人認為這只是冰山的一角)

 如大家不想日後的子女有以上的下場, 就在今天好好的教育一下大家的下一代吧~!!!  

今日大老闆放大假,

會計呀頭請病假.

公司好似突然鬆o左好多...

(但唔多似係好事...)

對我來講重係黑到爆的一日.

一日之內收到國內同事"唔小心"KO o左幾張單要做修復...

好啦~~~　做做做...

點知去到五點幾佢發個訊息同我講:  sorry, 頭先你攪o左o個尐我又唔小心....XXYXZZZ

真係唔知起火好...  定係o拿刀好...!!!

(但個同事係o係塘夏wu~~~  點打到佢呢?)

放工之後o係葵芳食麻o野先返屋企,

依家明顯晚餐少去o左小雨天好多...

事關間o野尐o野食...  真係差o左好多...

明明叫沙律紅豆冰但來o左個雞扒沙律,

都唔緊要...  但來到個沙律係冇沙律醬的...  咁點叫沙律呀???!!!???