剛剛看到了...  唔知幾時先攪得返掂呢? 

今日明明想o係公司好好用曬尐時間做好多o野...

點知做得的...  少到不得了...

放工之後就落o左去深水埗睇o野,

另外就幫個同事買手指.

依家個個都唔駛用 CD/DVD, 一隻手指攪掂曬~~~

時代唔同了~~~

返到屋企就睇到學校寄o左封信來.

(信紙明明寫住係 18-08-2009, 但郵印係 24-08-2009)

(中間咁多日真係唔知封o野去o左邊....)

話我之後 take o個個 course FULL PASS o左,

十月可以開課, 但就要 28-08-2009 之後比錢~~~

總學費 HK$79200, 首期先交 $9900.

真係要去打劫先搵到咁多錢交了... 

今日o係公司(一個大老闆和呀頭都唔o係公司),

全日係咁攪尐垃垃雜雜的東西.

包括用 Remote Desktop 接返屋企部機,

和系統的人講系統的問題.

同時用 Teamviewer 連接國內的同事, 教佢o地用電腦.

再用 UltraVNC Viewer 連接公司的 server, 做系統測試.

所以我成日諗...  我自己返工似做 IT 多過似做 admin 的o野...

另外放工之後就飛o左去葵興幫女朋友借書,

(間間圖書館有的都比人借o左...  所以好緊急!!!)

借完之後就去o左屋企樓下商場食飯.

諗返開...  我都好似好耐冇帶過飯返工食...

不過依期天氣咁... 熱....  帶返去又好似有尐危險.

(我成日唔記得放入雪櫃)

都係遲尐先la~~~ 

今早訓到十一點先起身,

之後就去o左游水.

本來去到泳池的時候係比地下的熱力熱到好似煎蛋咁...

池水係暖的~~~  十分舒服.

但過了個多小時之後,

開始發現天越來越黑,

之後還起了冷風.

慢慢就連覺得一上水就會覺得凍...

(其實只是由二時多到三點半的變化...)

(後記是游完水去食o野時發現有點點毛毛雨...)

晚上因為是日是父親生日,

一家人到了商場食飯.

晚上就回家訓覺,

明天又要返工...  諗到就唔開心... 

今早開會...

十點半開到一點半.

重要開會前發現部 NC10 發傻...

突然不斷自己彈出一個 Explorer "參數錯誤"的圖示...

試過系統還原都唔得.

不知道發生什麼問題...

大概要重裝一次了...

放工之後就入o左天水圍陪女朋友.

下午的節目是玩大富翁. (今次係我贏!!!)

^_^

P.S.  今日成巧把 Google Chrome 升級到 4.0.202.0,

同時把三部常用的電腦的 bookmark 同步.

不過不知道升級會否影響 Google Chrome 的穩定性...

另外就是看了"竊聽風雲", 簡單一句, 唔好睇.  好悶...

要講的只有一個信息 - 不論你之前做了多久好人, 一下子做錯就是做錯, 沒有辦法回頭.

更不要想用一個大話去解決一個大話.  結果只有泥足深陷. 

今日o係公司多o野做...  

多到乜地步???  就係多到連自己都唔知做過尐乜!!!

六點放工之後就去o左灣仔會展,

$20 入場去睇今年的電腦通訊節.

如果話今年書展唔係賣書,

那今年的電腦通訊節就更和"通訊"更沒有關係.

因為主力和副力都好像和"通訊"沒有什麼關係.

(當然去的人心態上亦和"通訊"沒有關係)

參展的大大大部都係是賣電腦產品,

更有的是有即場砌機...  但誰會特意去會展砌電腦返屋企?

傻的咩....

另外有的係賣相機...  鏡頭...  玩具...  還有其他很多...

但重點是...  價錢沒有和外面電腦中心的差太多 -> 說實在的就是和市價是一樣的.

只有部份是因為賣貨底貨而特價銷售...

結論是...  不用為買平東西而特意過海, 再給 $20 入去

我行就行o左幾個鐘...

結果買了 $40 50隻的 DVD-R,

$50 神奇清潔膠 (抽獎抽到二獎, 有部車仔送)

$2XX 的 rmvb player 連 $1XX 的 HDMI Switcher.

另外就是在 ezone 的 counter 換了兩套書,

一套當然是早前想換的影相書啦!~~~~!!! 

結果是行本是想買外置 HDD 的目的沒有達到.

只有等多幾個月等佢再跌下價啦~~~!!!

本身自己都知如果要o係 Windows Mobile 睇返尐正常的網頁,

最好的就是用 Opera 的 mobile 版.

(我以前是用 netfront 的)

但不知是我的 PDA 已經太舊...

還是個人的問題, 用 opera 看網頁總是覺得不順...

不是覺得顯示出來的字太大(已經設定了 "small"),

就是覺得版面變了形...

結果大部份時間仍是用回了 pocket ie...  真的....  shit!!!

今早分別比一個呀頭, 一個老闆捉o左去傾計...

淨係傾計已經攪到冇曬尐時間.

講的內容當然係要出返來的時間做o野啦~~~

結果係冇時間+更冇時間...

有時覺得搵多兩個人返來都攪唔掂尐一路堆積返來的o野...

放工臨時加插o左和女朋友去睇超鼠特工.

o係葵芳百老匯睇...  細院...  但都要 $85 一位,

重要冇得平...  (其實真係好貴下...)

由 1945 睇到 21xx.

時間唔係好長...  -> 結果套戲唔多夠時間好好交代所有細節.

但套戲都好睇的.  不過個人覺得係唔需要去戲院睇.

可能等出 VCD/DVD 之後先睇.

原因分兩部份, 外圍因素和本身因素.

外圍因素:

不知是否為了環保及節省資源, 所用的 3D 眼鏡是用完回收再用的.

這本身不是一個太大的問題, 但重點是不少的 3D 眼鏡的鏡面已經花曬...

我與女朋友換了七八個先換到個不算是太花, 但有指模的 3D 眼鏡.

第二是戲院本身...  o係細院睇...  太細了.

令 3D 的部份不突出, 沒有太大的立體效果.

本身因素:

不知是否戲院的硬件問題有關,

但我個人覺得此片的立體效果不多.

(至少比冰河世紀少很多, 更不用以迪迪尼的米奇音樂劇來比較了)

第二係故事要表達的前前後後應該有很多細節,

但於戲中沒有仔細交代好.

再加上於結尾要把寵物店的所有小動物都帶到總部的原因更是無法想像...

更不用說最後壞鼠的從良轉變...(簡直轉軚速度神速...  完全唔合理...)

變成套的感覺不太好.

如果話想看一下"超鼠"的可愛做型,

這套卡通是可以一看的.

但我覺得絕對沒有需要到戲院睇.

在家用一部 17" > 的 mon 睇就夠了.

用不着給 $85 到戲院睇...   太貴...  真係唔抵!!!

回家前走o左去百佳...

見到可口可樂特價 - $34.9 18罐,

平均 $2.2 一罐, 抵到死~~~!!!

大家可以由此諗一諗,

平時o係超市或便利店買一罐要 $5-7...

但原來佢以 $2.2 一罐都有錢賺的.

可以諗下佢的成本到底幾多錢...

平時賺o左你o地幾多錢了...