瀏覽模式: 普通 | 列表

依家尐小朋友真係...

作者:悟樂 日期:06-07-2008 23:24

話說昨日熱到冇命,
點知昨晚開始就有雨落.
今日直頭有尐橫風橫雨的時候添!

未算!!!
今日下午就o係個咁的日子同女朋友去游水.
今幾事要記的.
一就係o係會所的門口.
我o地入去的同時有三個小朋友出來.
間中一個小朋友唔知點解大罵另外的兩個小朋友.
罵還罵, 用的一句係問候人家的媽媽~~~
我同女朋友, 連同門口的管理員都目瞪口呆...
駛唔駛呀...  小朋友...  重有...  你...  x 到佢...  的咩~~~
真係 O 曬嘴... 

另一樣係今日去到先知個會所泳池的男更衣室翻新,
(係呀~~~  夏天先來翻新, 唔知佢想點.)
用就要用行到另一邊的運動場的男更衣室,
重要係冇 locker 用... 
換完衫同游完水就要行過一個長長的大堂.
勁冇引~~~
未算!!!  個更衣室得兩間沖涼房,
當游完水去沖身時...
有一個呀叔唔知乜事...
o係其中一間到攪足二十五分鐘...
都唔知佢o係入面做乜~~~
真係想走去問下佢o係入面係咁暈o左...

游完水去後就去o左剪頭髮,
晚上就去o左 PizzaHut 食o野.
好飽!!!

晚上諗住快少少坐西鐵返屋企,
點知訓多o左...  一個站...
去到美孚返轉頭,
去到荃灣又等o左廿分鐘小巴... 氣死.
標籤: PizzaHut
類別: 每日小記 | 引用: 0 | 評論: 2 | 閱讀: 102

0507_大熱日

作者:悟樂 日期:05-07-2008 23:11

今日返工半日.
去到三點幾幾...

放工之後就去o左旺角捐血.
之後就同 Jorliman o係旺角行o左幾幾幾個圈連食o野.
去到十點先走.
中間去o左大家樂食o野.

有小小奇遇,
等到有張檯有人走,
但當諗住坐落去的時候比職員阻止,
話張檯已經有人...  之後佢叫o左一個o係唔知邊度的女仔過o左來坐.
乜依家大家樂有訂位服務的咩?
我想問打幾多號電話的???

另外今日仍未決定 skype phone 點買好...
好似又有用, 但又驚買o左女朋友唔用...  點好?
類別: 每日小記 | 引用: 0 | 評論: 0 | 閱讀: 108

0407_小記

作者:悟樂 日期:04-07-2008 23:54

今日返工...
中午冇飯食.
夜晚本來話幫個好朋友整電腦.
點知夜晚臨時有事...
(佢一定嬲到我死~~~)
明天先陪罪啦~~~
唉~~~

另外就係今日臨六點幾收到個電郵,
睇完之後氣到我死~~~!!!
依家決定乜都唔理,
跟指引及流程做o野.
有事睇下邊個奶o野!!!
類別: 每日小記 | 引用: 0 | 評論: 0 | 閱讀: 90

前路~~~

作者:悟樂 日期:03-07-2008 23:59

今早公司開會,
由十點半講到十二點半,
講緊之後的安排,
話說由下星期二開始,
為期一個月,
中間兩個星期檢討一次.
唉~~~  唔知點~~~
唔理住了.

下午一個人去o左 M 記食o野.
(晚餐都係 M 記...  唉)

返學做 present.
全班最低分o個組~
都係正常的...  不過就有尐唔甘心.
月尾o個個做好尐law~~~
類別: 每日小記 | 引用: 0 | 評論: 4 | 閱讀: 121

0207_亂記

作者:悟樂 日期:02-07-2008 22:49

今早唔識起身...
結果係冇早餐+遲到十幾分鐘.
今日做o野... 都係咁...
都唔知做緊尐乜~~~

明天要同大老闆開會,
講物流尐o野點轉上大陸做.
好快唔駛load 了...

講開...
身邊的幾個好朋友+好同事都已經表尐態會唔做.
都係時候諗下自己的路向了.

放工就o係葵芳同女朋友食o左個飯就自己返屋企做功課了.
今日都係早尐訓~
類別: 每日小記 | 引用: 0 | 評論: 3 | 閱讀: 151

01072008

作者:悟樂 日期:01-07-2008 23:59

今日放假,
做過的o野係...
上o左大陸食o野,
打o左一箱奶返屋企.
好不容易才令自己不會在巴士上訓過站.
累~~~!!!

類別: 每日小記 | 引用: 0 | 評論: 2 | 閱讀: 116

就來唔駛做了???

作者:悟樂 日期:30-06-2008 23:59

今日返工...
出門口明明冇雨乜都冇的.
點知落車的時候大到乜咁...
好在返到公司都唔算太濕.

今日o係公司真係做到p o左o係度...
上半日o係度 check 單同跟單.
講真諗來諗去都唔明點解要睇返尐單的.
唔係依張打錯就係o個張有問題.
張張都去到物流先比我睇到有問題的咩?
有時都唔知自己似係做QC 定係做物流的.

下午就o係度約3號的單,
呀頭就攪2號的.
攪到差不多九點... 
中間停都冇停過,
都唔知係咪物流真係要咁做法,
但明明係知道自己傻多過乜...
不過唔駛要啦~~~
都唔知玩得耐...
星期四話要同老闆開會,
講下點樣將依家自己做緊的o野交比深圳的同事攪.
咁即係...  係呀~~~  好快唔駛做了~~~

放工之後都唔知去邊好...
本來話去找個朋友的.
但九點幾幾幾...  o野又未食...  又累...
唉~~~
結果o係葵芳行o左個圈...
去書局買o左本書就返屋企了.
類別: 每日小記 | 引用: 0 | 評論: 0 | 閱讀: 107

2906_幾記

作者:悟樂 日期:29-06-2008 23:59

今日做過的o野...
同o左個舊朋友食飯,
去o左睇殺神特工.
買o左一件衫, 一把新雨傘.
搭車返屋企時訓多o左個站, 又行多o左路...
類別: 每日小記 | 引用: 0 | 評論: 2 | 閱讀: 103