萬聖節前迪迪尼遊記
作者:悟樂 日期:18-09-2009 23:59
今晚係迪士尼比普通 Annual Pass 入去玩的最後一日.
之後如果要去就要星期一至星期四的日子.
同時係迪士尼萬聖節開放的第一日.
所以放工就和女朋友去玩了一晚.
為了配合有關晚上的安排,
日間時間就不斷加快工作進度.
希望可以唔駛OT 準時收工.
但同時發現一份上個月的會議記錄不翼而飛...
netbook 沒有備份...
依家都未知點算....
明天返到公司同呀頭匯報.... 唉...
另早上收到家母來電,
稱於房中某處找回我的閃光燈,
故於 lunch 返o左屋企取回.
趕到不得了. (當然有些少代價啦~~~)
今晚迪迪尼... 真係好多人...
(有好多重係學生, 一班人着住校服... 幾十個一圍)
(有時諗, 點解依家尐學生咁多錢出街玩的???)
三個主題的鬼屋,
當然係全場重點啦~~~
所以.... 我係唔去的.
(你o地就開開心心去玩鬼屋, 我就開開心心去玩其他.)
依個就係策略了.
更強的就係一口氣連玩了兩次史迪仔,
但今次真係上得山多終遇虎,
睇人被史迪仔玩得多,
今次比史迪仔點相玩o左輪...
真係... 比"佢"激死.
要提的係迪士尼今年的煙花係和平日的沒有分別.
(聽講上年鬼節的煙花係有唔同的.)
唔知係未 ready 定今年唔會轉呢???
唔緊要啦~~~ 反正我應該都唔會o係依段時間反睇的了.
另外可以講的係花車(鬼車)表演,
因為今次係o係街頭睇,
所以唔駛等好耐就睇曬所有的鬼車.
我個人覺得的係... 尐車一尐都唔靚...
真係幾鬼下...
另外尐鬼... 係咁行麻來對住你"嘩嘩嘩~~~ "
真係有打鬼的衝動!!!
唯一好睇的係見到 chip and dale 都出o左來扮鬼o個一 part.
但佢兩隻o野都企得好遠... 又唔知點解行得好快...
結果係... 影唔到靚相...
精品店... 多o左好多鬼節的精品.
但今次一樣都冇買到.
(係兩個人都冇買到 wu~~~ 係咪好勁呢~~~
唔駛洗咁多錢~~~ Yeah!!!
不過一個主要的原因係... 尐o野係唔靚的)
呀~~~!!!
有樣要提的,
原來迪士尼線如果地鐵係想的.
佢係可以開兩部列車一齊行的.
唔駛等一部車去完一邊落曬客先返來的.
但唔知點解以前成日o係個站度明明好多人.
佢都係開一部 law~~~
唔知佢o地係用尐乜數據來決定開一部車定兩部車的呢???
P.S. 有個問題一路都好想問,
有冇迪士尼的工程人員或其他知情人仕,
我其實係想知巴斯光年的分數到底係點計的呢???
我發現我去玩次次都唔同分的.
但我目視打中的數量都係差不多...
雖然大部份時間都已經係 Lv 6 or 7 (其實高過左邊o個個就得的啦~~~)
但有時分數差好遠的,
同時有時明明係4千幾.... 轉個頭就飛o左去4萬幾.
係咪有尐位打中係唔同分的呢???
P.S.2 To Happy,
妳本史迪仔 notebook 我買o左了 (希望冇買錯啦~~~)
明天見到妳的時候提我取,
唔係我帶返屋企就...
托盤紙唧茄汁 蘸食物可沾毒
作者:新聞報導員 日期:18-09-2009 09:10
在快餐店進食時，不少人習慣直接把茄汁唧在「托盤紙」蘸薯條吃，但食安中心警告，這些廣告紙或會釋出對人體有害的印墨，建議市民及業界避免讓食物接觸廣告紙。另外，11名市民在沙田新城市廣場「魚尾獅餐廳」進食後，疑集體食物中毒，當中一人入院，目前情穩定。
政黨促托盤紙加警告
民建聯最近巡查6間連鎖快餐店，發現市民喜歡把薯條等小食和醬汁，直接倒在托盤的廣告紙上。該黨立法會議員李慧垰引述食安中心的建議指出，紙上印刷油墨或會釋出物質，被食物吸收。她呼籲，快餐店應在「托盤紙」上列警告字句，提醒市民不應將食物及醬汁接觸「托盤紙」。麥當勞發言人稱，餐廳的「托盤紙」經嚴謹監控，所用顏料符合國際食品安全標準。
「魚尾獅餐廳」疑爆食物中毒
另外，位於沙田新城市廣場第一期的「魚尾獅餐廳」，3批食客懷疑集體食物中毒。他們分別在9月10至15日光顧餐廳，曾進食蝦、雞、炒飯等，並於進食後24小時出現肚痛、噁心、嘔吐、肚瀉及發燒等病徵，衛生防護中心正調查事件。
生熟分開處理 僅一半市民懂
食安中心針對食物安全進行調查，發現約千名受訪市民中，有不少人對食物安全的認識不足，僅一半市民懂以不同的刀與砧板處理生熟食物，以及檢查雪櫃溫度低於攝氏4℃或以下等。大部分市民以為用溫水及炉液洗手10秒便足夠，不足三成人知道標準洗手時間應為20秒，亦有兩成人不知熟食放於室溫逾兩小時已不安全。是次調查在去年6至7月進行。食安中心高級醫生黃惠英引述結果表示，96％市民知道處理食物的四大要點，包括不食用過期食物、處理食物時應經常洗手、生熟食物要分開處理、以及湯羹應煲滾才飲用。
原文引自
明報新聞網
Windows 7 體驗及分享聚會
作者:悟樂 日期:18-09-2009 02:32
話說在上星期四,
o係公司臨收工前收到一個電郵.
說於今晚有一個Windows 7 體驗及分享聚會,
前面重係寫"誠邀 網誌達人參加"
一睇我第一個諗法係...
乜我係網誌達人咩???
邊度似??? 打網誌的傻人就有一個.
同時... 我都想知... 佢o地點找到我個 blog 的呢~
頭先唔記得問tim~~~
其實自己一路都對 blogger 的 event 好有興趣,
(其實之前有好多由 blogger 攪的活動不是要 OT,
就是安排不了時間... 灰~)
加上都想去認識多尐真正的網誌達人.
所以馬上回覆會參加.
(P.S. 及後係 call 多o左兩個好朋友參加. 人多開心尐麻~)
講返今晚的 event,
負責安排活動的哥哥姐姐(我諗佢o地大過我怪... 講錯有怪莫怪)十分熱情.
唔係講少, 明顯係有唔好意思的感覺的.
(對自閉的我來講, 係咁上下的了)
但就在今次的 event,
一口氣見識到好多平日只會o係網上由文字和聲音組成已識的 blogger 真身.
哈哈~~~
今晚一次點曬相~~~
但多多問題的我想問... 點解好似好多人都話睇過我個 blog 的???
定係因為我叫"悟樂", 攪到睇龍珠時睇到悟空悟飯或悟天時就以為睇過悟樂呀~~~
o係度講多次, 我唔係佢o地尐親戚來的.
(雖然依家重有好多佢o地的萬變咭... 暗閃都重有幾張~)
講返 blogger,
原來大家都十分熱愛派咭片的.
唔計主辦單位的咭片, 今晚就收到5張好精美的咭片.
而我平日帶出街作遊玩性質的咭片亦於一晚派清.
(派的係咪多過收呢??? 原來我都幾鐘意派的~~~ 哈哈)
收到咭片的 blogger 如下:
睇到佢就會覺得今晚好開心的 Daisy (睇到佢成日笑的)
好有型格的 Jonathan (睇樣有點似飛虎隊的教官)
斯文的 Joe (依尐就真係叫 blogger 達人了, 發 blog 快到, 一完o左就有得睇)
咭片好型的 石先生 (但可唔可以話我知個公仔頭右上角的三條線係乜意思呢?)
咭片上有兩個假孔的 Jansen (因為和你好似冇乜傾過計... 冇問你張咭上的兩個圓孔係咪要自己打上去的?)
當然重有好多 blogger la~ 但請見諒小弟記性麻麻,
記唔到咁多~~~ 下次會再好尐的了~~~!!!
講返 windows 7,
唔係講 microsoft 壞話... Vista 的推出真係令人失望的.
除o左網絡上支援的新功能係我 buy 之外...
真係冇乜o野我覺得係正的.
開機慢... 食 ram, 淨係依兩樣已經夠我尐電腦 hardware 弱的人用了.
但有關問題將於新推出的 windows 7 上會有很好的解決方案,
就以開機速度分分鐘會快過 XP!!!
(有不正式的速度測試, 內容可參新Netbook+Blog聚)
以 netbook 來講真的可以考慮升級.
於 Event 內提及了不少新增的功能,
例如 Media file sharing over internet by MSN live account (做乜轉o左台的?),
Mulit-touch 功能(但我冇 mulit-touch 的 mon wu~)
高清錄影功能, 另有靚靚的 Aero 介面. (依個於 netbook 應該應用唔大)
但有個 Raymond 提及的功能 - Bitlocker...
係比大家用來將一支普通的 USB 手指加密,
等其他人唔可以隨便用. (好似 U3 的密碼功能)
但我想問... 如果屋企用 windows 7 加o左密碼,
公司唔比錢 upgrade 做 windows 7, 咁點算???
(同場加映o左兩場電腦唔聽話的情況,
o係依個 post 當然唔會話係 microsoft 的問題啦~~~
一定係 hardware 個 driver 寫凡唔夠好~~~ 攪到 support 得差~~~ 哈哈)
同場大抽獎, 為兩份 Windows 7 Ultimate. 但我冇幸抽中.
轉貼自微腦狂人的相片, 於相中找不到我不要緊, 看到右邊的靚靚比卡超就可以了~~~
閃燈閃燈.... 你去o左邊呀???
作者:悟樂 日期:17-09-2009 23:59
我又返工遲到... 點攪???
今早一早就比人捉o左去開會...
十一點開到一點...
差尐連飯都冇得食.
(雖然我係食包姐... 都要食的)
是日...
做了一件兩年都唔會去做的事,
為 Gmail 清理門戶,
一口氣把所有公司的電郵由我的 Gmail Account 內刪除,
空間由 99% Full -> 48%.
日後要 search 就唔駛去 Gmail 的.
(因為已經冇得 search 了)
放工之後就去o左 Windows 7 的 blogger event.
勁好玩, 又開心. (有禮物呀~~~ 不過唔係比我的. 但我搶o左一份返來)
內容再開新 post 再打.
event 完o左之後就去o左食車仔麵,
唔食唔知... 原來依家去食一碗車仔麵係會貴過食一餐 M 記的.
彎彎叫了一碗麵+汽水就要 HK$50!!!
好得人驚~~~!!!
返到屋企...
又倒轉o左間房找閃燈...
但結果... 唉~~~
閃燈閃燈.... 你去o左邊呀???
我支燈...
作者:悟樂 日期:16-09-2009 23:59
由中一開始我已經知道,
我和雨水是有一種不可分割的關係.
我有遮, 唔會有雨.
我冇遮, 一定落雨.
今早就正正再一次証明我講的係啱.
就係臨落車就落大雨...
真係感覺到佢係想同老朋友會一會先比你返工...
今早見到有 plurk post 話有間叫 SMSCash2U 的新網站,
說可以於網站登記自己的手提電話,
日後(如果有)收到每一個廣告的短訊,
就會收到 HK$1, 於夠 HK$100 的時候就可以取出來用.
個 idea 係好好的... 不過到底有幾多公司會有興趣 join,
成效會有幾多?
講個例子, 有落廣告的客戶想通知o係旺角區返工的女生,
說今明兩晚某某美容中心會有特別活動/優惠,
持短訊到場的會有禮品一份.
那客戶就按有關資訊發放有關短訊.
廣告用的錢當然是要馬上支付的.
收短訊的人就馬上有錢(要等到 HK$100)收啦~
但係咪收的人就係該客戶想給予的對象呢?
我有點點保留,
網絡上男的可以登記為女, 女的可以是男生...
當然我不排除這間公司會有一日上到位.
(我都希望佢會~~~ 我都有登記的. 請多多發短訊給我~)
但要廣告客戶群採用這個系統, 依間公司真係要 sales 多兩錢重law~~
另今日呀頭叫我出一封投訴信,
用o左十分鐘打o左出來,
之後就發o左出街.
(後記係呀頭睇完之後出奇地只係o係好少的地方話要改一改... 平時傻起上來係大改的)
自己都覺得自己好勁!!!
放工之後就返o左屋企,
除o左打機之外就係用曬尐時間去找支閃光燈...
到底佢去o左邊???
唔會係上次用完o係街度唔見o左呀~~~
咁大支... 要唔見好難o個wu~~~
眼鏡店硬銷涉不良銷售
作者:新聞報導員 日期:16-09-2009 15:26
返少兩個鐘的一日
作者:悟樂 日期:15-09-2009 23:59
攪到成晚都訓得唔到...
今早五點幾就醒o左...
睇到天文台五點幾重話: 八號風重會掛多一陣...
一陣即係幾耐呢???
一個鐘??? 兩個鐘???
其實簡單尐話我知....
一個晨早五點幾起身的人,
話比佢知依家重應唔應該訓多陣就得的了.
結果個風一直去到今早十點十五分落...
即係要十一點四十五分前返到公司.
對我來講都唔算好難的.
返到公司...
(講真... 個身o係公司, 但個人就唔知去o左邊)
為o左解決有關情況,
今日的節目係一口氣重新檢測3個 VM 的 program.
想解決點解無論用那一個 VM (VMware, VirtualPC 和Virtualbox)
Run 個 windowsMe 之後都係行唔得返公司個舊 program.
(個舊 program 唔知乜原因, 一定要用真機行 me 先load 到... 好煩!!!)
另外做過的... 出o左幾封電郵... 出o左封信.....
(直頭好似冇做過o野咁)
放工就o係葵芳食飯,
之後就去o左 starbucks 睇o左一陣 DVD.
返屋企一口氣執o左一大堆 statement...
我有時都諗... 留咁多 statement 做乜鬼...
如果一日要處理曬....
要幾多個回收廢紙箱先裝得曬......
國內同事心目中的型男
作者:悟樂 日期:15-09-2009 22:41
某日一個國內的同事唔知係咪冇乜o野做, 發了一句...
下刪幾百字.....
國內同事L: 后面白白果個野系帽
去到依家已經唔想再講o野了~~~
原相為:
