十級灰係乜???

作者: 悟樂   日期: 2009-09-11 23:59:00   閱讀: http://blog.jimmy.wha.la/index.php?load=read&id=2712

---

今早因為昨晚訓得唔好,
勁唔想返工.
加上落到去葵芳重要落雨...
冇遮....  氣死~~

返到公司冇耐突然飛個電話來話要開會....
好地地一早又唔通知要開會.
我又唔會日日帶個火牛出來的...
係咪想我部 NC10 冇電, 之後叫我搵筆抄會議記錄???
唉~~~

咁都未算...
開開下會開到中途部冷氣唔知乜事冇風出.
成個會議室馬上熱到發傻...
繼續開開開.....  過o左個零鐘之後佢又正常返wu~~~
都唔知攪乜鬼...

結果開到十二點幾出返來...
部機都差不多冇曬電...

中午返來見到個同事做o野有尐問題,
諗住好心提一提佢,
廢事有起事上來佢比人投訴,
點知得返來的結果係比人話我多管閒事,
到大大聲罵o左我幾句"八婆".
我成日都話我o係依間公司要學的唔係學做o野的方法.
工作管理都係排第二,
要學的就係要學 EQ 要高,
忍耐力要好!!!
如果唔係真係同個潑潑地的女人嘈就真係有失身份(不過我本身有身份的咩???!!!???)

放工之後就入o左天水圍,
幫女朋友 reset 返個rounter,
十多分鐘就完成...
真係好想教下佢下次有問題佢可以自己攪得返掂.
唔係咁攪一攪大家都會冇曬尐時間.
佢又少o左時間上網, 我又要坐車入去整.

回程返屋企o係巴士上網時唔知乜事,
網速慢個隻龜!!!  真係唔知到底係乜問題.
係people 的訊號有問題?
家係佢的網絡有問題???
成個鐘的巴士都係睇得幾個網頁...
直頭係燒電!!!