今日返工... 
冇遲到, 重有時間買早餐, 就連自己都覺得自己好勁!!!

今日早上就在公司不斷清清清...
做到突然看一下 In Tray...
E?  尐o野唔見曬~~~~
過o左幾個星期...  尐o野都叫到由 In Tray 清走曬....  去待處理的 File 度...
即係重有排做....

下午和同事們去買了點小家電,
(至少不會明晚抽獎會全都變了電腦產品...  做樣的吧~~~)
不過沒有一樣是我覺得有用的....  (除非中獎者剛剛用緊的o個部壞o左啦~
 唔係點會換一部一用就用到十年廿年都唔會點壞的家電???)

晚上放工後就和 Jorliman 在深水埗遊盪...  (咁打會唔會比差人捉的???)
目的就是在 To Be, or Not To Be 中繼續玩十五十六,
ok...  我會同意話我每買一樣o野好多時會決定好耐的....
(睇返尐舊 post 就知我"講"話"想"買 iphone 講o左幾耐了...)

好了...  遊到八點幾......  去到最最最有衝動出機的時候,
行入 smartone...  講....  我要依部 iphone.... 白色唔該...
職員回覆:  好...  你等等....
之後就比o左張飛仔我....  
云:  依家比較多人...  你過半個鐘再返來啦~~~
立即灰o左七成...... 

好啦~~~  諗住忍一下半小時的時間,
那...  倒不如先到黃金買一點給 iphone 用的補品吧 -> 冇貨 + 夠鐘關門.
灰多三成....  冇曬引..........  
第日再算~~~~

今早唔知醒,
攪到返工遲到 (11mins 姐~~~  唔算多怪)

今日多o野做到爆,
包括幫老闆問幫佢出部 iphone 的詳情,
結果問完之後又攪到自己想出機...
你話點算???!!!???

放工之後就和家人到了葵芳的福好吃火窩當做節,
食物還算可以~~~~
只是地方有點嘈吵,
加上洗手間亦有很多人有裡面打邊爐...
煙霧迷漫....   
政府又話禁煙...  都唔知禁o左去邊....
唉~~~

今早在公司繼續清o野~~~
午後就和個同事出o左去旺角和深水埗買 Annual Dinner 抽獎用的用品,
今年特意比班同事自己決定買尐乜,
我出去係做搬運工人...

但過了一個下午後...
買返來的o野...  感覺上和上年差不多...
不外乎 Mon...  USB 手指... RMVB Player.... Speaker....
還多了好幾套 Keyboard 連老鼠 (邊個要???)
不過叫大獎的就多了兩部 ipod touch.  (比我決定我就去買電話~~~哈哈~)

回程返到公司都已經五點半...
攪麻尐手尾攪到七點半已收工.......
唉~~~

放工屋企在巴士站等了差不多廿多分鐘才有車,
原來是前面發生交通意外...
白白浪費了時間在站頭等車...
早知就去商場行多兩個轉返走啦~~~

另外不知什麼事,
近日發現 people 上網變慢的情況越來越多.
即使在平日都有上開網的路線上都有咁的情況...
到底點解會咁的呢???

回到家後把一隻舊的 4GB USB 手指轉為 ReadyBoost 使用~~~
但到訓覺前都唔覺部機有快到幾多...
到底有冇用的呢???