是晚因為想早點回家休息,
又不想煮o野食,
照舊叫了 KFC 外賣.

今晚可能是不多人叫 KFC,
不用半小時就送到了.

但不知怎的, 明明落單叫了八件雞,
送來的只有七件...
想了一想...  不可能會漏的...
執曬出來數多次...  真係漏o左wu~~~

點呢....???
打返電話去問....
聽電話個職員問o左我手提和地址後,
了解了情況, 之後叫我等了一等.
中途聽到有一個男人很大聲叫:  冇可能!!!  絕對冇可能!!!  你叫佢XXXXX (聽唔到)
之後等了一會,
接電話個職員就同我講:  唔好意思, 可能係同事執漏o左, 我依家會叫人馬上補送返來, 你可以食住依家o個尐先.

及後過了廿多分鐘, 就收到另一個速遞員送回了一件雞.

在於顧客的立場, 送外賣送漏了,
該公司馬上補回(KFC 佢有做到, 時間亦很快),
但於電話聽到背景的聲音(雖然我確定他講的是否和我有關, 但我可會對號入座吧~!!!),
已經扣減了不少分數了...

我成日咁諗~~~  點樣令個顧客第一次去光顧佢, 唔難.
但點樣可以令該顧客下一次都會翻單再叫佢呢~~~  難!!!
招客容易, Keep 客難, 趕客最易.
唉~~~

話說昨日一個外勤師傅報返來話佢部電單車又死o左.
入o左廠...
今早收到車行覆返來的價錢...
基本上即是叫公司換部新車(其實昨日聽已經大約估到)
難得的是今次一連過到兩關(我呀頭和大老闆)
兩個都回覆話:  買過部la~~~
(係大家心知...  定係其他原因呢???)

諗返自己放o左自己人生(暫時)的第一部電單車仔後已經幾年,
今日重新上返各電單車網站.
(ok...  今次名正言順上網睇車law~~~ok???)
發現依幾年電單車(至少在香港)的變化沒有太大~~~
車款還是那幾款...  最多是出了改變了部份外殼,
轉了一點部件和外型...
感覺是 4.6 的變化比 2.6 真的變多了很多.
換轉現在有多一點錢...  要出一部車...  會選 2.6 還是 4.6 呢???
算吧啦~~~  我係再冇錢駕車的了~~~  ok...

另外收到通知早兩星期留低的國內同事不知什麼原因(係我唔知姐, 高層會知道吧~),
現將於下星期離職 = 我早兩星期上廠的工作是白廢了.
明天又有新同事報到, 又叫了我返去.
即是...  天寒地凍上大陸...  唉~~~

放工之後就入了天水圍食飯,
晚上睇完電視先走.
(算係咁的了..  平時我係唔會睇電視的...  才不想給廣告睇壞了我的腦袋!!!)

今早天氣明顯下降了不少,
出門的衣著亦增多了一件外套.
(但比人話都係少...)
(我心諗, 難道今日就出動雪"嬲", 咁再凍尐重邊有衫着...???)

另今早出門口前於家開始上載一段短片到 youtube,
回報竟然要八個多小時,
(上傳最高速率只有 70K/s)
放工回家時竟還在上載中...
直到晚上九時通知我斷線...
要重新上載!!!  怎會慢得這樣可憐!!!
還要斷線重傳!!!!!!!!

是日天氣轉冷...
訓覺及好好休息一天.